Cascading Style Sheet (CSS) គឺជាប្រភេទ Style Sheet language សម្រាប់បន្ថែមភាពស្រស់ស្អាតទៅឲ្យ markup language ។ CSS ជាបច្ចេកវិទ្យាគ្រឹៈដែលគេនិយមប្រើច្រើនបំផុតក្នុងការប្រើប្រាស់ ដើម្បី បង្កើតវេបសាយដែលមានភាពស្រស់ស្អាត និង រស់រវើក ។ លក្ខណៈពិសេស គឺប្រើសម្រាប់បន្ថែម Style ទៅលើweb pages ដូចជា HTML និង XHTML ឬ XML ជាដើម ។
ពីមុនពេលដែលគ្មាន CSS រាល់ការតុបតែង ទៅលើ HTML ត្រូវប្រកាសនូវ Attributes របស់ Tag HTML ដូចជា font color, Background styles, elements alignments, borders និង size ។
យើងឃើញថាការតែង Styles ទាំងនេះ វាមានលក្ខណៈដដែលៗ និង ខាតពេលវេលា ហេតុដូចនេះ CSS បានបង្កើតឡើងនូវ Style sheet ដើម្បី ផ្ដល់ភាពងាយស្រួលក្នុងការសរសេរកូដ ការគ្រប់គ្រង ជាពិសេសមានភាពទាក់ទាញឲ្យកាន់តែស្រស់ស្អាតជាង HTML ។
ការបន្ថែម Style របស់ CSS មានដូចជា បង្កើត Layout , Color, Font ជាដើម ។ ការបន្ថែម Style ទាំងនេះវាមានភាពងាយស្រួល, ដោយមានការបែងចែកជា Block នីមួយៗ ផ្ដល់នូវភាពបត់បែននឹងងាយស្រួលក្នុងការត្រួតពិនិត្យបន្ថែមរបស់ Layout ។
CSS ត្រូវបានផ្តួចផ្តើមគំនិតបង្កើតវាឡើងដោយ លោក Hakon Wium Lie នៅ ថ្ងៃទី ១០ ខែតុលា ឆ្នាំ ១៩៩៤ ។ ក្នុងខណៈពេលនោះ លោក Lie បានកំពុងធ្វើការជាមួយ លោក Tim Berners-Lee នៅ ក្រុមហ៊ុន CERN (European Organization for Nuclear Research) ។
ភាសា Style Sheet សម្រាប់ Design Website បានលេចចេញជារូបរាងឡើង ហើយនៅខណៈពេលនោះហើយ ត្រូវបានគេពិភាក្សា និង កំណត់ ឲ្យប្រើប្រាស់ ជាលើកដំបូង ដោយ W3C (World Wide Web Consortium) ។ ផែនការរបស់លោក Bert Bos ពិតជាមានសារៈសំខាន់ខ្លាំងណាស់ ដោយលោកបានក្លាយជាអ្នកចូលរួមក្នុងការបង្កើត CSS1 ជាពិសេសលោកបានចូលរួមក្នុងការបង្កើត CSS រហូតមកដល់ពេលបច្ចុប្បន្ន ។
CSS បានដាក់ ឲ្យប្រើប្រាស់ជាផ្លូវការលើកដំបូង ដោយ W3C មានឈ្មោះថា CSS1 Level1 នៅថ្ងៃ ទៅ ១៧ ខែធ្នូ ឆ្នាំ ១៩៩៦ ដោយលោក Hakon Wium និងលោក Bert។ លោកទាំងពីរជាមនុស្សដំបូងដែលបង្កើតវាឡើង ។ សមត្ថភាពរបស់ CSS1 មានដូចជា៖
CSS 1
· Font properties មានដូចជា typeface និង emphasis
· Color of text , backgrounds and other elements
· Text Attribute ដូចជា spacing ទៅលើ words, letters និង line of text
· Alignment of text , images, tables and other elements
· Margin , border, padding, and positioning for most elements
· Unique identification and generic classification of groups of attributes
CSS 2
CSS level 2 ត្រូវបាន បង្កើតឡើងដោ W3C និងដាក់ ឲ្យប្រើប្រាស់ ក្នុងខែ ឧសភាឆ្នាំ១៩៩៨ ។ CSS 2 មានលក្ខណៈពិសេសជាង CSS1 មានដូចជា Property Absolute, relative និង fixed positioning of elements និង z-index , the concept of media types, support of aural style sheet, bidirection text, និង new font properties such as shadow ។
CSS 2.1
ដោយ CSS2 មានបញ្ហា Errors ច្រើន W3C បានបញ្ចេញ នូវ Version CSS2.1 សម្រាប់កែតម្រូវទៅលើ CSS2 ។ វាមានលក្ខណៈ ស្តង់ដាជាង CSS2 ជាពិសេស គឺវាSupport ទៅ Browser version ថ្មីៗ ។
CSS3
CSS3 មានលក្ខណៈខុសពី CSS2 ដែលវាមានលក្ខណៈពិសេស ដែលត្រូវបានគេកំណត់ឡើង ។ CSS3 ត្រូវបានបែងចែកជាផ្នែកផ្សេងៗ មួយចំនួនហៅថា Module ។
Module នីមួយៗបានបន្ថែមសមត្ថភាពថ្មី ដោយបានពង្រីកលក្ខណៈពិសេសដែលបានកំណត់នៅក្នុង CSS 2 ។ វាត្រូវបានគេដាក់ ឲ្យប្រើប្រាស់ក្នុងខែមិថុនា ឆ្នាំ១៩៩៨ ។
Modules នីមួយៗ មានលក្ខណៈផ្សេងៗគ្នា ក្នុងមិថុនាឆ្នាំ 2012 Modules CSS មានជាង ៥០ ដែលបានដាក់ ឲ្យប្រើប្រាស់ដោយ CSS របស់ក្រុមការងារ CSS ។ ជាចុងក្រោយមាន៤ Modules ដែលត្រូវបានដាក់ឲ្យប្រើប្រាស់ជាផ្លូវការមានដូចជា៖
· 2012-06-19: Media Queries
· 2011-09-29: Namespaces
· 2011-09-29: Selectors Level 3
· 2011-06-07: Color
CSS 4
CSS 4 មានលក្ខណៈបំពេញបន្ថែម ទៅលើ CSS3 ដោយវាបំបែកទៅកាន់ modules ។
Modules ទាំងអស់មាន ៤ modules ។ Modules ត្រូវបានអនុញ្ញាតឲ្យធ្វើការដោយ ឯករាជ្យ ។ modules ភាគច្រើនគឺមាន level 3 ។ Modules level 4 មានដូចជា Image Values, Background និង Border ឬ Selector ។
តម្រូវការមុខវិជ្ជាមុននឹងអាចសិក្សា CSS
មុននឹងអ្នកអាចសិក្សាមុខវិជ្ជា CSS នេះចាំបាច់អ្នកត្រូវមានចំនេះដឹងខ្លះៗទាក់ទងនឹងមុខវិជ្ជា HTML ដែលជាមុខវិជ្ផាដំបូងដែលអ្នកចង់សិក្សាផ្នែកគេហទំព័រត្រូវតែសិក្សាមុនគេមុននឹងឈានទៅចាប់យកមុខវិជ្ជាផ្សេងៗទៀត ។