វិធីសាស្ត្ររក្សាទុកទិន្នន័យយូនីកូដខ្មែរក្នុង MySQL ជាមួយ PHP
ដេីម្បីរក្សាទុកទិន្នន័យជាអក្សរយូនីកូដខ្មែរយ៉ាងដូចម្ដេចនៅក្នុង Database របស់ MySQL។ Web Application ជាច្រើនដែលខ្ញុំបានធ្វើជាមួយយូនីកូដខ្មែរកន្លងមក ហើយត្រូវរក្សាទិន្នន័យទៅក្នុង MySQL Table ទិន្នន័យទាំងនោះបានបម្លែងទៅជាអក្សរផ្សេងដែលខ្ញុំមើលមិនដាច់(សូមមើលរូបខាងក្រោម) ប្រសិនបើមាននរណាជួបប្រទះដូចខ្ញុំ វិធីខាងក្រោមនឹងអាចជួបាន។ តែខ្ញុំបានឃើញ WordPress រក្សាយូនីកូដខ្មែរបានល្អណាស់ ហើយមិនមានការផ្លាស់ប្ដូរអីនោះទេ គឺចេញជាភាសខ្មែរយើងធម្មតា ដូចដែលយើងបានឃើញនៅលើ Browser អញ្ចឹង។ ទើបតែយប់មិញនេះគិតថានឹងរកវាអោយឃើញថាគេធ្វើវាយ៉ាងដូចម្ដេច ក៏បានដូចបំណងសូមមើលការនែនាំដូចខាងក្រោម
- មិនទាន់បន្ថែម mysql_query(“SET NAMES utf8”)
- ក្រោយពីបន្ថែម mysql_query(“SET NAMES utf8”)
១. បង្កើត Database នឹង Table
ក្នុងការបង្កើត Database នឹង Table គឺត្រូវបង្កើតអោយវាអាចរក្សាទិន្នន័យជាយូនីកូដ ខ្ញុំនឹងបង្កើត Database មួយឈ្មោះ khmer_unicode បន្ទាប់មកបង្កើត Table message
– Database khmer_unicode
CREATE DATABASE `khmer_unicode` DEFAULT CHARACTER SET utf8 COLLATE utf8_general_ci;
– Table message
CREATE TABLE `khmer_unicode`.`message` (
`id` INT NOT NULL AUTO_INCREMENT PRIMARY KEY ,
`name` VARCHAR( 100 ) CHARACTER SET utf8 COLLATE utf8_general_ci NOT NULL ,
`message` TEXT CHARACTER SET utf8 COLLATE utf8_general_ci NOT NULL
) ENGINE = MYISAM CHARACTER SET utf8 COLLATE utf8_general_ci;
ចំណុចសំខាន់ក្នុងការបង្កើត Database នឹង Table ដើម្បីអោយវារក្សាទិន្នន័យជាយូនីកូដមិនថាជាភាសាខ្មែរឫភាសារដទៃ នោះទេគឺយើងផ្ដោតទៅលើ CHARACTER SET នឹង COLLATE ។ សូមជ្រើសរើស CHARACTER SET utf8 នឹង COLLATE ជា utf8_general_ci។ ចំណែក field របស់ Table ដែលរក្សាទុកទិន្នន័យជាយូនីកូដ គឺត្រូវ CHARACTER SET utf8 នឹង COLLATE ជា utf8_general_ci ដូចទៅនឹង Database នឹង Table ផងដែរ។
២. ជាមួយ PHP
ក្នុងការបញ្ចូលទិន្នន័យពី Form ទៅកាន Database ជាទួនាទី Server Side Scripting ដូចជា PHP, ASP, JSP ជាដើម
ក្នុងការបង្ហាញនេះខ្ញុំសូមលើកយកតែភាសា PHP តែប៉ុណ្ណោះ។
ដើម្បីធ្វើការជាមួយ MySQL Database បាន PHP ត្រូវពឹងផ្អែកទៅលើ function ពីរនេះ mysql_connect() និង mysql_select_db() ដើម្បីភ្ជាប់ទៅកាន់ Database និង ជ្រើសរើសយក Database មកប្រើ។ បន្ទាប់ពីភ្ជាប់នឹងជ្រើសរើសDatabase រួចហើយត្រូវសរសេ Code នេះ
mysql_query(“SET NAMES utf8”);
ត្រង់នេះជាចំណុចសំខាន់ដែលត្រូវតែដាក់ដោយខានមិនបាន ដើម្បីរក្សាអក្សរ ខ្មែរយូនីកូដអោយនៅភាពដើម ហើយមិនបំលែងទៅអក្សរផ្សេងដែលមិនដាច។
៣. ដើម្បីមើលខ្មែរយូនីកូដបាន
ដើម្បីមើលខ្មែរយូនីកូដបាននៅក្នុង Browser យើងត្រូវតែដាក់ tag ខាងក្រោមនេះនៅចន្លោះ tag <head> របស់ HTML
<meta http-equiv=”Content-type” value=”text/html; charset=utf-8″>
Tag ខាងលើនេះគឺធ្វើអោយខ្មែរយូនីកូដដែលយើងទាញចេញពី Database មកបង្ហាញបានត្រឹមត្រូវ។ នេះមិនចំពោះតែយូនីកូដខ្មែរ គឺគ្រប់យូនីកូដទាំងអស់ដែលជូបបញ្ហាដូចយូនីកូដខ្មែរគឺត្រូវធ្វើ បែបនេះ។
