សុវត្ថិភាពគឺជាចំណុចសំខាន់ជាងគេ ក្នុងការបង្កើត និងគ្រប់គ្រងគេហទំព័រ ដែលលោកអ្នកចាំបាច់ត្រូវតាមដានឲ្យទាន់សម័យកាល នៃដំណើរវិវត្តន៍នៃបច្ចេកវិទ្យាដ៏កំពុងពេញនិយមមួយនេះ ។ ការរៀបចំគម្រោងនៃការបង្កើតគេហទំព័រ ចាប់ផ្តើមពីជំហានដំបូង ដែលលោកអ្នកត្រូវសិក្សាពីមូលដ្ឋានគ្រឹះ ឲ្យច្បាស់ជាមុន មុននឹងសម្រេចចិត្តបន្តទៅការអភិវឌ្ឍជំហានបន្ទាប់ ។ ការជ្រើសរើស Hosting សម្រាប់បង្ហោះគេហទំព័រ ក៏ជាចំណុចសំខាន់ផងដែរ ដែលមិនគ្រាន់តែរកមើលតែ Unlimited Hosting ឬសេវាដែលមានតម្លៃថោកនោះទេ ។
ខាងក្រោមនេះ សំបុកអាយធី នឹងបង្ហាញជូនលោកអ្នកនូវគន្លឹះគួរស្វែងយល់មួយចំនូនពីលក្ខណៈពិសេសបន្ថែមលើសេវា Hosting ដែលអាចការពារលោកអ្នកពីការ Hack បានមួយកម្រិតទៀត នោះគឺ Two-Factor Aunthenication ដែលស្រដៀងនឹង 2-step verification ដូច្នេះដែរ ជាមួយនឹង Code ដែលនឹង Generate តាមរយៈកម្មវិធីទូរស័ព្ទ ។
អ្វីជា Two-Factor Authentication?
Two-factor authentication នឹងបន្ថែមនូវស្រទាប់សុវត្ថិភាពមួយបន្ថែមទៀត ដោយតម្រូវឲ្យលោកអ្នក Login ចំនួនពីរដង ដែលវាទាមទារឲ្យលោកអ្នកភ្ជាប់ជាមួយទូរស័ព្ទ iPhone ឬ Android ជាដើម ។ លោកអ្នកនឹងពុំសូវបារម្ភពីបញ្ហាដែលខ្លាចថា មាននរណាម្នាក់អាច Login ចូលគណនីអ្នកបាន បើមិនមានកូដ ដែល Generate ចេញពីទូរស័ព្ទលោកអ្នក នោះទេ ។
ការប្រើលេខកូដដែលមានកំណត់រយៈពេល – Time Based Tokens
Time Based Tokens របស់ក្រុមហ៊ុនផ្តល់សេវាបង្ហោះ TITB អាចដំណើរការជាមួយ ពពួកកម្មវិធីប្រភេទ OATH ដូចជា Google Authentication សម្រាប់ Android (ចុចទាញយក) ឬ កម្មវិធី OATH Token (ចុចទាញយក) សម្រាប់ប្រភេទ iOS ជាដើម ។
នៅពេលដែលដាក់ឲ្យដំណើរការ (Activated) រួចហើយ លោកអ្នកនឹងតម្រូវឲ្យផ្តល់ជាទម្រង់បំពេញលេខកូដ ចំនួន ៦ខ្ទង់ ដែលលេខកូដនោះ នឹងលែងបានប្រើបន្ទាប់ពី ៣០វិនាទីក្រោយ ។
តើវានឹងដំណើរការយ៉ាងណា?
ដើម្បីអាចប្រើប្រាស់ Two-factor authentication បាន លោកអ្នកត្រូវមានគណនី TITB (Client Area) ដោយគ្រាន់តែចុះឈ្មោះ និងទិញសេវាកម្មបង្ហោះវ៉ិបសាយ ព្រមទាំងទាញយកកម្មវិធីណាមួយ សម្រាប់ទូរស័ព្ទលោកអ្នក (iOS ឬ Android) នោះលោកអ្នកនឹងប្រាកដថា សុវត្ថិភាពលោកអ្នក នឹងត្រូវមានការពារថែមមួយកម្រិតទៀត ។ សូមទស្សនាវីដេអូខាងក្រោម៖