កម្មវិធី Live Streaming ជាមធ្យោបាយអាចឲ្យអ្នកផ្សាយផ្ទាល់កម្មវិធីឬហ្គេមណាមួយទៅកាន់អ្នកគាំទ្រ នៅលើបណ្ដាញសង្គមមានដូចជា YouTube, Facebook ជាដើម។
មានកម្មវិធីជាច្រើន ប៉ុន្តែយើង ណែនាំ ៥ កម្មវិធីដែលមានការពេញនិយមបំផុត បំពេញតម្រូវការផ្នែកផ្សាយផ្ទាល់ បានល្អជាទីគាប់ចិត្ត។
+តម្រូវការនៃការផ្សាយផ្ទាល់
- ឧបករណ៍សម្រាប់ផ្សាយផ្ទាល់ (កាមេរ៉ាថតឬឧបករណ៍ហ្គេម)
- វេទិកាផ្សាយផ្ទាល់ (YouTube ឬ Facebook)
- ឧបករណ៍ AV.io 4K អាចដោតភ្ជាប់ពីតំណក្រៅទៅប្រព័ន្ធផ្សាយ
- ប្រព័ន្ធអ៊ីនធឺណិតដើរលឿន។
1. Open Broadcaster Software
OBS ជាកម្មវិធី Free ដ៏គួរឲ្យចាប់អារម្មណ៍មួយ ដែលអ្នកទើបចាប់ផ្ដើមផ្សាយផ្ទាល់ដំបូងៗ អាចសាកល្បងបាន។ ជាប្រភេទកម្មវិធី Open Source មានន័យថាកូដដើមនៃកម្មវិធី អាចឲ្យរាល់គ្នាយកទៅកែច្នៃឬពង្រឹងបន្ថែមបាន។
ដំណើរការយ៉ាងរលូនជាមួយហ្គេម ដែលមានក្រាហ្វិកធំក្ដី អ្នកអាចផ្សាយផ្ទាល់ទៅកាន់បណ្ដាញសង្គមជាច្រើនដូចជា Twitch, YouTube, DailyMotion, Hitbox ជាដើម។ អ្នកអាចភ្ជាប់នៃឧបករណ៍ខាងក្រៅ ឆ្លងកាត់ដុំ AV.io 4K ទៅកាន់កុំព្យូទ័រ រួចដំណើរការ OBS ប្រើប្រាស់ជាធម្មតានិងមានភាពងាយស្រួល។
ចុចទាញយក OBS
2. VMix Live Production
ទាំងការ Record Screen និង Streaming អ្នកមិនផ្សាយផ្ទាល់លើសពីកម្រិត HD បានឡើយ សម្រាប់ប្រភេទ Free Version លុះត្រាតែអ្នកចំណាយថវិកាបន្ថែមទើបអាចផ្សាយដល់កម្រិត 4K បាន។ មិនខុសពីកម្មវិធី Epiphan និង Pearl-2 សម្រាប់ Vmix អ្នកអាចបញ្ចូល EffecT ទៅក្នុងវីដេអូព្រមគ្នាអំឡុងពេលផ្សាយផ្ទាល់បានយ៉ាងងាយស្រួល។
ចុចទាញយក Vmix
3. Telestream Wirecast
ក្រៅពីជំនាន់ Trail Version ជាប្រភេទកម្មវិធីដាក់លក់មានតម្លៃ ៦៩៥ ដុល្លារ ប៉ុន្តែ Wirecast បង្កប់នូវមុខងារមានអត្ថប្រយោជន៍ជាច្រើន សមល្មមនឹងបង្ខំឲ្យអ្នកហ៊ានចំណាយលុយទៅលើវា។ ចំពោះ Pro Version អ្នកអាចបញ្ចូល Input Source ដូចជា IP Camera និង Web Stream (រួមមាន RTMP, MMS, HTTP) បន្សំមុខងារផ្សេងទៀតដូចជាការគ្រប់គ្រងប្រព័ន្ធសម្លេក, បង្ហាញផ្ទាំងតារាងពិន្ទុ, ការសារចុះឡើង និងប្លង់បន្លំភ្នែក Virtual Set។
ចុចទាញយក Wirecast
4. XSplit Broadcaster
Xsplit Broadcaster អនុញ្ញាតឲ្យអ្នកប្រើប្រាស់ទទួលបានបទពិសោធន៍ងាយស្រួល នៃផ្ទៃកម្មវិធីសាមញ្ញសម្រាប់ការផ្សាយផ្ទាល់។ ជំនាន់ Free អ្នកអាចផ្សាយផ្ទាល់នូវកម្រិត HD បាន ដោយគាំទ្រនូវមុខងារតូចៗមួយចំនួន ខណៈជំនាន់ Personal និង Premium Version បើកឲ្យអ្នកផ្សាយផ្ទាល់ច្បាស់ដល់កម្រិត Full HD និងមុខងារ Enhanced Production។
ចំពោះការផ្សាយផ្ទាល់ហ្គេមវិញ អ្នកនឹងពេញចិត្តកាន់តែខ្លាំង ព្រោះវាមានមុខងារ In-Game Production Control, ការប្ដូរផ្ទៃពណ៌រូបភាព, ការគូសគំនូសតាងលើវីដេអូ, មុខងារនៃបណ្ដាញសង្គមនិងជាច្រើនទៀត។
ចុចទាញយក Xsplit
5. VIDBlaster
ចំណុចពិសេសម្យ៉ាងនៃ VIDBlaster ក្រៅពីការបង្កើតប្លង់បន្លំភ្នែក (Virtual Set) ហើយ វាក៏មានមុខងារ Video Conference ដើម្បីទាក់ទងជាមួយអ្នកផ្សាយផ្ទាល់ឯទៀត និងបង្ហាញក្នុងពេលតែមួយព្រមគ្នា។
មានជាជំនាន់ Home, Pro, Studio និង Broadcast ដោយមានមុខងារ Video Swithcing និង ISO Recording នៅលក្ខខណ្ឌ 50/60fps។
ចុចទាញយក VIDBlaster
ប្រភពពី៖ News.Sabay