ការប្រើប្រាស់ ID vs Class Attributes ភាពខុសគ្នារវាង ID និង Class ថាតើនៅពេលណាប្រើ ID នៅពេលណាប្រើ Class
កន្លងមកយើងបានដឹងថា ដើម្បីរចនាអ្វីៗដែលមាននៅក្នុង element ណាមួយ យើងចាំបាច់ត្រូវប្រើប្រាស់ attribute ឈ្មោះ style នៅក្នុង element នោះ។ ក៏ប៉ុន្តែក្រៅពីនេះ យើងក៏អាចប្រើប្រាស់ attribute ឈ្មោះ id ដើម្បីរចនាអ្វីៗដែលមាននៅក្នុង element ណាមួយបានដែរ។ ពិនិត្យអត្ថបទខាងក្រោមនេះ៖
នៅលើបន្ទាត់លេខ 06 ការសរសេរថា #ពាក្យចាស់ គឺជាការបង្កើត selector មួយដែលមានឈ្មោះជាតម្លៃរបស់ attribute ឈ្មោះ id នៅក្នុង element <p>…</p> នៅលើបន្ទាត់លេខ 15 ។ ការធ្វើដូច្នេះ គឺដើម្បីរចនាឃ្លាប្រយោគដែលមាននៅក្នុង element <p>…</p> នៅលើបន្ទាត់លេខ 15 នោះ។
ស្រដៀងគ្នានេះដែរ យើងក៏អាចប្រើប្រាស់ attribute ឈ្មោះ class ដើម្បីរចនាអ្វីៗដែលមាននៅក្នុង element មួយចំនួនបានដែរ។ ពិនិត្យអត្ថបទខាងក្រោមនេះ៖
នៅលើបន្ទាត់លេខ 06 ការសរសេរថា .ពាក្យចាស់ គឺជាការបង្កើត selector មួយដែលជាកត្តាធ្វើឲ្យអ្វីៗនៅក្នុងគ្រប់ element ទាំងឡាយណាដែលមាន attribute ឈ្មោះ class មានតម្លៃជា “ពាក្យចាស់” ត្រូវទទួលរងនូវការប្រែប្រួល។ ជាលទ្ធផល យើងឃើញថាឃ្លានៅក្នុង element <p>…</p> នៅលើបន្ទាត់លេខ 15 និងឃ្លានៅក្នុង element <p>…</p> នៅលើបន្ទាត់លេខ 16 ទទួលរងនូវការប្រែប្រួល ពីព្រោះនៅក្នុង element ទាំងពីរនោះ សុទ្ធតែមាន attribute ឈ្មោះ class មានតម្លៃជា “ពាក្យចាស់” ៕
