មូលដ្ឋានគ្រឹះនៃ PHP គឺយើងស្វែងយល់អំពីទម្រង់នៃ PHP, ការសរសេរវិចារណ៍ និងការបង្កើតអញ្ញាត ។
ចំណាំៈ កូដ PHP យើងត្រូវសរសេរនៅក្នុង <? និង ?> ។
វិចារណ៍
វិចារណ៍ គឺជារបស់ដែលប្រើសំរាប់ចំណាំនូវអ្វីមួយ ។ វាដូចជាវិចារណ៍នៅក្នុង HTML ដែរ គឺវាមិនបង្ហាញចម្លើយមកខាងក្រៅឲ្យឃើញនោះទេ ។ វាមានប្រយោជន៍សំរាប់តែអ្នកសរសេរកូដតែប៉ុណ្ណោះ ។
ដើម្បីសរសេរវិចារណ៍នៅក្នុង PHP មានដូចជា ៖
- វិចារណ៍តែបន្ទាត់ យើងត្រូវផ្ដើមបន្ទាត់នោះដោយ
#ឬ//។ - វិចារណ៍ជាដុំ យើងត្រូវផ្ដើមដោយ
/*និងបិទដោយ*/។
<?php
# វិចារណ៍មួយបន្ទាត់
// វិចារណ៍មួយបន្ទាត់
/* វិចារណ៍
ច្រើន
បន្ទាត់*/
?>
ក្នុងមេរៀន PHP នេះ Khode ប្រើវិចារណ៍ ដើម្បីបង្ហាញនូវចម្លើយ ដែលត្រូវចេញមក ។
អញ្ញាត
អញ្ញាត គឺជាតាងនូវតម្លៃមួយ ។
បង្កើតអញ្ញាត
ដើម្បីបង្កើតអញ្ញាត យើងត្រូវកំណត់ឈ្មោះដោយផ្ដើមដោយ $ និងត្រូវកំណត់តម្លៃរបស់វាបន្ទាប់ពី = ។
<?php $number = 20; ?>
មួយរឿងរ៉ាវៗ នៅក្នុង PHP ត្រូវបញ្ចប់ដោយ ; ។
បង្ហាញតម្លៃអញ្ញាត
គ្រាន់តែបង្កើត អញ្ញាតមិនត្រូវបានបង្ហាញនៅលើទំព័រនៅឡើយទេ ។ ដើម្បីបង្ហាញអ្វីមួយឲ្យចេញជាចម្លើយ យើងត្រូវប្រើប្រាស់ echo ។
<?php
$number = 20;
echo $number; // បង្ហាញ 20
echo 30; // បង្ហាញ 30
?>
ឈ្មោះអញ្ញាត
ក្នុងការកំណត់ឈ្មោះនៃអញ្ញាត គឺត្រូវកំណត់ក្រោមលក្ខខណ្ឌមួយចំនួន ដូចខាងក្រោម ៖
- អាចប្រើអក្ខរក្រមអង់គ្លេស លេខ និងសញ្ញា
_ - មិនត្រូវផ្ដើមដោយលេខ
- មិនអនុញ្ញាតឲ្យកំណត់ឈ្មោះ ដែលជាន់នឹងពាក្យដែលត្រូវបានប្រើដោយកូដ PHP (ឧទាហរណ៍ ពាក្យ
echo) ។
តម្លៃអញ្ញាត
តម្លៃនៃអញ្ញាត ឬតម្លៃនៃទិន្នន័យ ដែលយើងហៅជាភាសាអង់គ្លេសគឺ datatype មានដូចជា ៖
- លេខ អាចជាចំនួនគត់ ឬចំនួនទសភាគ
- អក្សរ ត្រូវសរសេរក្នុងអព្ភន្តរសញ្ញា
- boolean ទាក់ទងទៅនឹងតក្កវិទ្យា
- NULL មានន័យថា “គ្មាន”
- Array គឺជាបណ្ដុំនៃតម្លៃច្រើនចូលគ្នា
- វត្ថុ (object)
- ធនធានផ្សេងៗដែលចាប់បានពីកន្លែងផ្សេង ដូចជា ទិន្នន័យ … ។
ចំណុចនីមួយៗខាងលើ យើងនឹងសិក្សាដាច់ដោយឡែក ដើម្បីឲ្យយល់ច្បាស់អំពីវា ។
ផ្លាស់ប្ដូរតម្លៃអញ្ញាត
បន្ទាប់ពីបង្កើតអញ្ញាតមួយហើយ យើងក៏អាចផ្លាស់ប្ដូរតម្លៃរបស់វាបានដែរ ។ ដោយយើងសរសេរវា ដូចទៅនឹងបង្កើតវាដែរ ។
<?php
$number = 20;
$number = 30;
echo $number; // បង្ហាញ 30
?>
ក្នុងការផ្លាស់ប្ដូរតម្លៃ យើងក៏អាចយកតម្លៃចាស់មកប្រើបានដែរ ។
<?php
$number = 20;
echo $number; // បង្ហាញ 20
$number = $number + 2;
// $number ថ្មី មានតម្លៃស្មើនឹង $number ចាស់ បូកនឹង 2
echo $number // បង្ហាញ 22
?>