ប្រសិនជាអ្នកឧស្សាហ៍ប្រើបា្រស់អ៊ីម៉ែល ដើម្បីទំនាក់ទំនងការងារ រឺបុគ្គលណាម្នាក់នោះ អ្នកប្រាកដជាចាប់អារម្មណ៍មើលឃើញហើយថា នៅពេលដែលអ្នកវាយឈ្មោះមនុស្សដែលអ្នកចង់ផ្ញើរអ៊ីម៉ែលអោយនោះ វានឹងលោតពាក្យ CC រឺ BCC នៅក្បែរនោះ។
តើពាក្យថា CC និង BCC នៅក្នុងអ៊ីម៉ែលមានន័យដូចម្តេច ហើយខុសគ្នារបៀបណា?
ពាក្យ CCគឺជាទម្រង់អក្សរកាត់នៃពាក្យពេញដែលភាសាអង់គ្លេសគឺ “ Carbon Copy”។ គេប្រើ នេះនៅពេលដែលគេចង់ប្រើសារដែលគេផ្ញើរចេញទៅនោះអោយវាបានទៅកាន់បុគ្គលជាច្រើនលើសពីម្នាក់។ ឧទាហរណ៌៖ គេអាចផ្ញើសេចក្តីប្រកាសអ្វីមួយទៅកាន់មនុស្សជាច្រើននៅក្នុងពេលតែមួយ ដើម្បីអោយពួកគេបានឃើញទាំងអស់គ្នា គេនឹងជ្រើសពាក្យថា CC ហើយចុចទៅលើវា។
ចំនែកឯពាក្យ BCC គឺជាទម្រង់អក្សរកាត់នៃពាក្យពេញដែលភាសាអង់គ្លេសគឺ “Blind Carbon Copy”។ គេប្រើ BCC នេះនៅពេលដែលគេចង់ប្រើសារដែលគេផ្ញើរចេញទៅនោះអោយវាបានទៅកាន់បុគ្គលជាច្រើនលើសពីម្នាក់ដូចជា CC ដែរ។
ប៉ុន្តែភាពខុសគ្នារវាង CC និង BCC គឺថានៅក្នុង CC ឈ្មោះបុគ្គលទាំងអស់ដែលគេផ្ញើទៅនឹងអាចអោយអ្នកដទៃផ្សេងទៀតដែលទទួលសារនោះអាចមើលឃើញ ថាតើមាននរណាខ្លះដែលបានទទួលសារនេះ។
ប៉ុន្តែសម្រាប់ BCC វិញ អ្នកដែលទទួលសារមិនអាចមើលឃើញថាតើមានបុគ្គលណាខ្លះដែលបានទទួលសារនេះនោះឡើយ ពោលគឺគេឃើញថាមានតែខ្លួនគេតែម្នាក់គត់៕
ប្រហែលជាលោកអ្នកធ្លាប់ដឹងហើយពីមុខងាររបស់ CC នៅក្នុងការផ្ញើ Email ម្តងៗ ។ CC មកពីពាក្យ “Carbon Copy” មានន័យថាអ្នកអាចផ្ញើ Email តែដដែលៗទៅកាន់អាសយដ្ឋានបានច្រើនក្នុងពេលតែមួយដោយមិនចាំបាច់ចំណាយពេលក្នុងការផ្ញើ Email ទៅម្តងមួយៗ ។
BCC មកពីពាក្យ “Blind Carbon Copy” ត្រូវបានគេប្រើប្រាស់ក្នុងគោលបំណងតែមួយដូច CC ដែរ ប៉ុន្តែវាមានលក្ខណៈពិសេសត្រង់វាលាក់មិនឲ្យអ្នកទទួល Email ទាំងអស់ដឹងថាអ្នកបាន Bcc ទៅកាន់នរណាខ្លះឡើយ ។
នៅពេលអ្នក CC ទៅកាន់ចំណោមអាស័យដ្ឋានណាមួយ នោះគ្រប់អ្នកទទួលទាំងអស់នឹងមើលឃើញពី Email របស់អ្នកដូចៗគ្នា និងដឹងថាអ្នកបាន CC ទៅកាន់នរណាខ្លះ ។ ឧទាហរណ៍អ្នកបាន CC ទៅកាន់ sun.rina@yahoo.com និង sitha178@gmail.com ដូច្នេះ ស៊ីថា នឹងដឹងថា រីណា ក៏ទទួលបាន Email នោះដូចគ្នាដែរ ។
សូមមើល Email ដែលបានទទួលក្នុងគណនីរបស់គេទាំងពីរ ៖
យើងងាកមកមើលការ Bcc វិញម្តង តើមានលក្ខណៈខុសគ្នាបែបណាពី Cc?
សូមមើល Email ដែលបានទទួលក្នុងគណនីរបស់គេទាំងពីរ ៖
លើសពីនេះ មុខងារ Cc និង Bcc ក៏អាចផ្ញើជាឯកសារផ្សេងៗ (Attach Files) បានធម្មតាដែរ ។ ទាំងនេះគ្រាន់តែជាគន្លឹះបន្តិចបន្តួចប៉ុណ្ណោះសម្រាប់ឲ្យអ្នកយល់ដឹងកាន់តែច្បាស់អំពីមុខងារអ្វីមួយមុននឹងអ្នកសម្រេចចិត្តត្រូវធ្វើវា ។
អត្ថបទល្អផ្សេងទៀត៖ គន្លឹះទាំងបីនេះនឹងជួយបង្កើនសុខភាពរបស់អ្នក ប្រសិនបើអ្នកធ្វើការនៅក្នុងការិយាល័យ
មនុស្សជាច្រើនតែងតែចំណាយពេលសឹងតែពេញមួយថ្ងៃរបស់ពួកគេអង្គុយនៅក្នុងការិយាល័យ ហើយសូម្បីតែម៉ោងសម្រាកក៏ពួកគេនៅតែអង្គុយដែរ។ ការអង្គុយបែបនេះអាចមានផលវិបាកយ៉ាងធ្ងន់ធ្ងរដល់សុខភាពរបស់ពួកគេ។ ជាការពិត ពួកគេអាចទៅហាត់ប្រាណបាននៅពេលល្ងាច ដែលអាចផ្តល់ផលប្រយោជន៍ជាច្រើន ប៉ុន្តែការសិក្សាស្រាវជ្រាវបានរកឃើញថា ការហាត់ប្រាណមិនអាចយកទៅជំនួសបញ្ហាសុខភាពបណ្ដាលមកពីការអង្គុយនោះបានទេ។ ដូច្នេះហើយយើងត្រូវរកវិធីដែលអាចកាត់បន្ថយការអង្គុយក្នុងការិយាល័យ ដើម្បីជៀសវាងនូវបញ្ហាសុខភាពទាំងនោះ។
យោងតាមវេជ្ជបណ្ឌិត Rangan Chatterjee អ្នកគួរសាកល្បងវិធីងាយៗចំនួន ៣ ដើម្បីបង្កើនសុខភាពរបស់អ្នកប្រសិនបើអ្នកអង្គុយនៅតុក្នុងការិយាល័យមួយពេញមួយថ្ងៃ។ ជាដំបូង អ្នកអាចដាក់សំឡេងរោទ៍នៅលើទូរស័ព្ទរបស់អ្នក។ ចូរប្រើបច្ចេកវិទ្យាដើម្បីជួយអ្នក ដូច្នេះជារៀងរាល់ម៉ោងមានសម្លេងរោទ៏តិចតួច អ្នកត្រូវក្រោកឈរឡើង។ អ្នកអាចគ្រាន់តែក្រោកឈរហើយដើរមួយភ្លែត រឺធ្វើដើរទៅកន្លែងពិសាភេសជ្ជៈ រឺក៏ពិតជាទៅពិសាទឹកមែន។
គន្លឺះទីពីរគឺ ពិតជាត្រូវផឹកទឹកឲ្យបានច្រើន។ ទឹកមិនត្រឹមតែមានអត្ថប្រយោជន៍ច្រើនចំពោះសុខភាពរបស់យើងនោះទេ ប៉ុន្តែវាក៏ធ្វើឲ្យអ្នកឧស្សាហ៍ងើបចេញពីកៅអី ដើម្បីទៅបន្ទោបង់ផងដែរ។ គន្លឺះមួយមានអត្ថប្រយោជន៍ពីរ។
ទីបី អ្នកអាចធ្វើលំហាត់ប្រាណខ្លះ ដូចជាការពត់ខ្លួន រឺការលើកដៃលើកជើងបន្ដិចបន្តួច។ អ្វីដែលសំខាន់នៅត្រង់នេះគឺ អ្នកបានធ្វើចលនាខ្លះៗ ដែលអាចឲ្យអ្នកមានអារម្មណ៍ល្អប្រសើរ មានថាមពលច្រើន និងមានផលិតភាពច្រើនជាងមុន។ ប្រហែលវាអាចចម្លែកក្នុងការធ្វើបែបនេះនៅកន្លែងធ្វើការ ដូច្នេះហើយអ្នកអាចសួរមិត្តរួមការងាររបស់អ្នកថា តើពួកគេនឹងចូលរួមជាមួយអ្នកដែររឺទេ។
ក្រៅពីនេះ អ្នកគួរងើបពីកៅអីនៅគ្រប់ពេលដែលអាចធ្វើបាន ដូចជាការដើរទៅនិយាយជាមួយមិត្តរួមការងារដោយភផ្ទាល់ ជាជាងការផ្ញើអ៊ីម៉ែល។ នៅពេលឈប់សម្រាកញ៉ាំអាហារថ្ងៃត្រង់ អ្នកគួរដើរឲ្យបាន ១០ នាទី។ វាមិនពិបាកនោះទេ ហើយប្រសិនបើអ្នកចាប់ផ្តើមធ្វើវាឱ្យបានទៀងទាត់ វានឹងក្លាយទៅជាទម្លាប់ថ្មី ហើយទម្លាប់ថ្មីទាំងនេះមកនូវសុខភាពថ្មីផងដែរ៕
ប្រភព៖ Business Insider