ធាតុផ្សំរបស់កុំព្យូទ័រ
កុំព្យូទ័រអាចដំណើរការទៅបាន អាស្រ័យដោយធាតុផ្សំ របស់វាពីរសំខាន់ៗគឺ Hardware និង Software ។
១. ហាតវែ (Hardware) រឺ ផ្នែករឹង
ពាក្យថា Hardware របស់កុំព្យូទ័រមានន័យថា គេនិយាយអំពីផ្នែកដែលរឹងរបស់កុំព្យូទ័រ ដែលជាផ្នែកមួយដែលយើងអាចមើលឃើញ និងប៉ះបាន ហើយត្រូវបានគេចែកជាបីផ្នែកសំខាន់ ទៀត រួមមាន៖ System Unit, Input Device និង Output Device ។
– System Unit
ជាកែសដែលផ្ទុករាល់សមាសធាតុសំខាន់ៗរបស់កុំព្យូទ័រមានដូចជា៖ បន្ទះមេ (Main Board រឺ Motherboard) គឺជាបន្ទះសៀគ្វីដ៏ធំស្ថិតនៅក្នុងផ្នែកប្រព័ន្ធ (System Unit) ដែលវាបាន ទ្រទ្រង់នូវសមាសធាតុអេឡិចត្រូនិច ។ អង្គគណនី CPU (Central Processing Unit) ជាខួក្បាលរបស់កុំព្យ័ទ័រ ដែលមានតួនាទីចំបងក្នុងការទទួលយកទិន្នន័យសំរាប់ការដំណើរការទិន្នន័យ និងត្រួតពិនិត្យគ្រប់គ្រងកិច្ចការទាំងអស់របស់កុំព្យូទ័រ។ RAM (Random Access Memory) ជាអង្គចងចាំមានតួនាទីរក្សាទិន្នន័យរវាង CPU ដែលកំពុងដំណើរការទិន្នន័យ ។ ការទុកទិន្នន័យរបស់ RAM ជាការក្សាទុកបណ្ដោះអាសន្ន ហើយវានឹងបាត់បង់ ទិន្នន័យពេល កុំព្យូទ័រត្រូវបានបិទ។
– Input Device
មានតួនាទីបញ្ចូលទិន្នន័យ ឬទទួលការបញ្ជាពីអ្នកប្រើប្រាស់ ដោយឧបករណ៍ដែលយើងបាន ដឹង ច្បាស់រូចហើយនោះ គឺមានដូចជា៖ Video Camera មានតួនាទីប្រហាក់ប្រហែល នឹងម៉ាស៊ីនថត វីឌីអូឌីជី ថល ដែលវាភ្ជាប់ទៅនឹងម៉ាស៊ីនកុំព្យូទ័រ ហើយធ្វើការជាមួយនឹងកម្មវិធីផ្សេងៗទៀត។ Scanner ជាឧបករណ៍ ប្រើសំរាប់ផ្ដិតរូបភាព និងឯកសារដើម្បីបញ្ចូលទៅកាន់ម៉ាស៊ីនកុំព្យូទ័រ ដែលឯកសារមានដូចជា រូបថត និង អត្ថបទ។ Keyboard ប្រើសំរាប់វាយឯកសារចូលក្នុងកុំព្យូទ័រ។ Microphone មានតួនាទីបញ្ជូនសំលេង និងទិន្នន័យទៅកាន់កុំព្យូទ័រ ហើយធ្វើការជាមួយ កាត សំលេង ។ Mouse ប្រើសំរាប់បញ្ជាឲ្យធ្វើការចង្អុលបង្ហាញ និងជ្រើសរើស Item នៅលើអេក្រង់ គេបានបែងចែកជាបីកន្លែងសម្រាប់ចុច ដែលមានការកែប្រែ Mouse ឲ្យមានជើងនៅចំកណ្ដាល ដើម្បីរំកិលMouse ឲ្យបានលឿន។
– Output Device
ជាបំណែកដែលបង្ហាញនិងបញ្ចូនទិន្នន័យដែលបានរៀបចំដំណើរការពីCPU អោយទៅកាន់អ្នកប្រើប្រាស់បានដឹង មិនថាតែការមើលឃើញ និងបន្លឺសំលេងចេញមកនោះទេ។ ហើយ Output Device មានដូចជា៖ Printer ជាឧបករណ៍សំរាប់បោះពុម្ភ ទិន្នន័យចេញពីកុំព្យូទ័រ ដែលចេញជាឯកសារហើយវាត្រូវបានចែកចេញជាបីប្រភេទទៀតរួមមាន Det Matrix printer , Laser Printer , Inkjet Printer។ Speaker ជាឧបករណ៍សម្រាប់បន្លឺសំលេង ដែលវាធ្វើការជាមួយ កាតសំលេង (Sound Card) ។ Monitor ជាឧបករណ៍បង្ហាញលទ្ធផល ដែលបានមកពីProcess របស់ម៉ាស៊ីនអោយអ្នកប្រើបានឃើញ។
២. សូហ្វវែ (Software) រឺ ផ្នែកទន់
Software គឺបណ្ដុំនែកម្មវិធី (Computer Program) និង ទិន្នន័យដែលទាន់ទង ដើម្បីបញ្ជាទៅកាន់ CPU ដើម្បីដំណើរការប្រតិបត្តិការណ៍របស់កុំព្យូទ័រ។ ផ្ទុយពី ហាតវែ (Hardware) គឺ សូហ្វវែ យើងមិនអាចប៉ះបាន រឺ មើលឃើញដំណើរការរបស់វានោះទេ អ្នកប្រើប្រាស់អាចឃើញលទ្ធផល នៃដំណើរការរបស់វា រឺ អាចបញ្ជាដើម្បីឲ្យកុំព្យូទ័រធ្វើអ្វីមួយ។ ជាធម្មតា កុំព្យូទ័រដែលយើង ប្រើ ប្រាស់រាល់ថ្ងៃ ត្រូវបំពាក់ដោយប្រព័ន្ធប្រតិបត្តិការណ៍(Operating System)មួយដែលហៅថា វីនឌូ (Window) ដែលជាផលិតផលរបស់ក្រុមហ៊ុន Microsoft ។ វីនឌូ ដើរតួនាទីសំខាន់ជាអ្នកចំលង(Interface) រឺទទួលយកបញ្ជារបស់អ្នកប្រើប្រាស់ទៅ CPU ដើម្បីធ្វើមួយ។ ហើយតាម រយៈវីនឌូ នេះ អ្នកប្រើប្រាស់អាចបន្ថែមកម្មវីធីថ្មី (Install new program application) តាមទំរូវការដោយ ងាយស្រួល ដូចជាកម្មវិធី Microsoft Office, Adobe Reader, Adobe Photoshop, Adobe InDesign, Corel Draw ។ល៕ ក្រៅពី Microsoft Window កុំព្យូទ័រ ក៏អាចបំពាក់សូហ្វវែ សំរាប់ បញ្ជាទៅ CPU ដូចជា លីនុច(Linux), ម៉ាក (Mac OS), Sanmicro System (Solaris)។
រចនាសម្ព័ន្ធខាងក្នុងរបស់កុំព្យូទ័រអាចខុសគ្នាពីម៉ាកកុំព្យូទ័រមួយទៅកុំព្យូទ័រមួយទៀតវាស្រ័យទៅនឹងការរចនារបស់ក្រុមហ៊ុនដើម្បីអាចឲ្យកុំព្យូទ័ររបស់ខ្លួនដំណើរការបានល្អ។ប៉ុន្តែរចនាសម្ព័ន្ធជាមូលដ្ឋានរបស់កុំព្យូទ័រ ជាទូទៅដូចគ្នាគ្រប់ប្រព័ន្ធកុំព្យូទ័រ ទាំងអស់។
រចនាសម្ព័ន្ធរបស់កុំព្យូទ័រ ចែកចេញជាបួនផ្នែកធំៗដូចជា៖
- ផ្នែកបញ្ចូលទិន្នន័យ (Input Unit)
- ផ្នែកបង្ហាញទិន្នន័យ (Output Unit)
- ផ្នែកដំណើរការទិន្នន័យ (Central Processing Unit)
- ផ្នែកផ្ទុកទិន្នន័យ (Storage Unit)
- ផ្នែកអ៊ីនធ័រហ្វេស (Interface Unit)
១. ផ្នែកបញ្ចូលទិន្នន័យ
អនុញ្ញាតឲ្យអ្នកប្រើប្រាស់ បញ្ចូលទិន្នន័យចូលកុំព្យូទ័រ។ មុខងាររបស់វាមានដូចជា៖
- បញ្ចូនទិន្នន័យនិងពាក្យបញ្ជា ពីអ្នកប្រើប្រាស់ដែលចាំបាច់ ក្នុងការដំណើរការឬ ដោះស្រាយ កិច្ចការអ្វីមួយទៅឲ្យ កុំព្យូទ័រ
- បម្លែងទិន្នន័យនិងពាក្យបញ្ជា ដែលបានបញ្ចូលទៅ ជាទំរង់ដែលកុំព្យូទ័រ អាចស្គាល់បាន
- បញ្ជូនទិន្នន័យនិងពាក្យបញ្ជា ដែលបានបម្លែងរួចហើយ ទៅអោយផ្នែកផ្សេងទៀតរបស់ កុំព្យូទ័រដើម្បីដំណើរការបន្ត
២. ផ្នែកផ្ទុកទិន្នន័យ
ជាផ្នែកដែលរក្សាទុក ទិន្នន័យ នៅក្នុង ប្រព័ន្ធកុំព្យូទ័រ។ផ្នែកផ្ទុកទិន្នន័យ មានពីរផ្នែក គឺផ្នែកសម្រាប់ផ្ទុកទិន្នន័យ បណ្តោះ អាសន្ន (Primary Storage) និង ទិន្នន័យ ជាអចិន្ត្រៃយ៍ (Secondary Storage)។ផ្នែកផ្ទុកទិន្នន័យ បណ្តោះអាសន្ នជាទូទៅ គឺយើងហៅថា អង្គចងចាំ ឬ មែនម៉េម៉ូរីរបស់កុំព្យូទ័រ ដែល ស៊ីភីយូ អាចប្រើប្រាស់ ដោយផ្ទាល់ដើម្បី ទាញយកទិន្នន័យ យកមកដំណើរការ។
៣. ផ្នែកបញ្ចេញទិន្នន័យ
- ទទួលលទ្ធផលដែលបញ្ចេញដោយកុំព្យូទ័រ
- បំលែងលទ្ធផលដែលបានមកពីកុំព្យូទ័រទៅជាទំរង់ដែលមនុស្សយើងអាចអាននិងមើលយល់
- បញ្ចេញលទ្ធផលដែលបានបំលែងរួចចេញមកក្រៅ ដូចជាបង្ហាញនៅលើម៉ូនីទ័រជាដើម្បី
៤. ផ្នែកដំណើរការទិន្នន័យ (CPU)
ផ្នែកដំណើរការទិន្នន័យ ដែលភាសាអង់គ្លេសហៅថា ស៊ីភីយូ វាប្រៀបដូចខួរក្បាលនៃប្រព័ន្ធកុំព្យូទ័រយើងអញ្ជឹងដែរ។វាក៏ជា កន្លែងដែលធ្វើរាល់ប្រមាណវិធី និង ការប្រៀបធៀប សំខាន់ៗ។ស៊ីភីយូ ក៏ទទួលខុសត្រូវ ក្នុងការដំណើរការ និង ត្រួតពិនិត្យ ប្រតិបត្តិការ នៃផ្នែកផ្សេងទៀតរបស់កុំព្យូទ័រផងដែរ។
ស៊ីភីយូមានពីរសមាសធាតុផ្សំជាមូលដ្ឋានចំនួនពីរ៖
- ខនត្រូលយូណីត (Control Unit)
- អារីម៉ាតិចឡូចិចយូណីត (Arithmetic logic unit)
ផ្នែកបញ្ចូលទិន្នន័យ (Input Unit)
រចនាសម្ព័ន្ធ ជា មូលដ្ឋាន របស់កុំព្យូទ័រ ត្រូវបាន ចែកចេញ ជា៤ផ្នែកធំៗ គឺ ផ្នែកបញ្ចូល ផ្នែកផ្ទុក ផ្នែកប្រតិបត្តិ (Process) និង ផ្នែកបង្ហាញ ។ក្នុងអត្ថបទនេះ អ្នកជំនាញ នឹងធ្វើការ ពន្យល់លម្អិត ពីផ្នែកបញ្ចូលទិន្នន័យ។ ក្នុងផ្នែកនេះរួមបញ្ចូល ឧបករណ៍សម្រាប់បញ្ចូល ទិន្នន័យទាំងអស់។
ឧបករណ៍បញ្ចូល មានដូចជា ៖
- Mouse
- ឃីប៊ត
- ប៊ិចពន្លឺ (Light Pen)
- ថាច់ស្គ្រីន (Touch Screen)
- ចយស្តីក (Joystick)
- ម៉ាយក្រូហ្វូន
- ស្គេនន័រ
- ត្រេកប៊ល
- វេបខេម
- ឌីជីថលកាមេរ៉ា
ឧបករណ៍បញ្ចូលទិន្នន័យ ដែលគេប្រើ ជាទូទៅ គឺ ឃីប៊ត ដែលអនុញ្ញាតឲ្យ អ្នកប្រើប្រាស់ អាចវាយ បញ្ចូលព័ត៌មាន ឬ ជ្រើសរើស អ្វីមួយលើអេក្រង់ តាមរយៈ ក្តារចុច។
Mouse ចយស្តីក ប៊ិចពន្លឺ ថាច់ស្គ្រីន និង ត្រេកប៊ល អនុញ្ញាតឲ្យអ្នកប្រើប្រាស់ ជ្រើសរើស អាយធឹម (Item) ឬ រូបភាព ដែល បង្ហាញ នៅលើ អេក្រង់ ដោយមិនបាច់ ធ្វើការវាយ ដូចឃីប៊ត តែគ្រាន់តែចង្អុល ទៅលើ អាយធឹម ដូច្នេះឧបករណ៍ ទាំងនេះ ត្រូវបានគេ ហៅថា “Pointing Devices”។អ្នកប្រើប្រាស់ អាចជ្រើសរើស អ្វីមួយ នៅលើ អេក្រង់ កុំព្យូទ័រ ដោយគ្រាន់ តែ ចង្អុល ទៅលើ អាយធឹម ដែលចង់ជ្រើសរើស និង ចុចប៊ូតុង Control របស់ឧបករណ៍ ទាំងនោះ។
ក្រៅពីនេះ វាមានឧបករណ៍ សម្រាប់បញ្ចូល ផ្សេងទៀតដែល អនុញ្ញាត ឲ្យអ្នកប្រើប្រាស់ បញ្ចូលព័ត៌មាន ជាសម្លេង ដូចជាម៉ាយក្រូហ្វូន។
តួនាទីរបស់ឧបករណ៍បញ្ចូល
- ផ្នែកបញ្ចូល មានតួនាទីផ្គត់ផ្គង់ ទិន្នន័យ ទៅឲ្យកុំព្យូទ័រ។ទិន្នន័យ ត្រូវបានបញ្ចូល ដោយអ្នកប្រើប្រាស់ ទៅក្នុងកុំព្យូទ័រ តាម រយៈ ឧបករណ៍ សម្រាប់បញ្ចូល ទិន្នន័យ។
- ទិន្នន័យ ដែលបានបញ្ចូល តាមរយៈ ឧបករណ៍បញ្ចូល មានច្រើន ទំរង់ផ្សេងគ្នា មានដូចជា អក្សរ សញ្ញា រូបភាព និង សំឡេង ជាដើម។កុំព្យូទ័រ មិនស្គាល់ ទិន្នន័យ ជាអក្សរ សញ្ញា រូបភាព និង សំឡេង ទាំងនោះទេ ដូច្នេះទិន្នន័យ ទាំង នោះ ត្រូវបាន បំលែងដោយ ឧបការណ៏បញ្ចូល ទៅជា ទំរង់ គោល ពីរ ដែលស្គាល់ ដោយ កុំព្យូទ័រ។
- បន្ទាប់មក ទិន្នន័យ ដែលបានបំលែង ត្រូវបានបញ្ចូន ទៅផ្នែកផ្សេងទៀត របស់កុំព្យូទ័រ ដើម្បី ដំណើរការ បន្ត។
ផ្នែកបង្ហាញទិន្នន័យ (Output Unit)
ផ្នែកបង្ហាញទិន្នន័យ ជាផ្នែកមួយនៃរចនាសម្ព័ន្ធ ជាមូលដ្ឋានរបស់កុំព្យូទ័រ ដែលមានមុខងារបង្ហាញ លទ្ធផលបន្ទាប់បញ្ចប់ ដំណើរការ។ ពោលគឺបន្ទាប់ពី CPU ធ្វើការគណនារួចរាល់។ ក្នុងផ្នែកនេះរួមបញ្ចូល ឧបករណ៍សម្រាប់បង្ហាញទិន្នន័យ ទាំងអស់។
តួនាទីរបស់ឧបករណ៍បង្ហាញទិន្នន័យ៖
- ទទួលលទ្ធផលបន្ទាប់ពី ដំណើរការចប់ក្នុងទំរង់ ដែលកុំព្យូទ័រយល់ (ទំរង់គោលពីរ)
- បំលែងលទ្ធផលពីទំរង់ ដែលកុំព្យូទ័រយល់ ទៅជាទំរង់ដែលមនុស្សយើង អាចអាននិងមើលយល់
- បញ្ចេញលទ្ធផល ដែលបានបំលែងរួច ចេញមកក្រៅដែលអាច ឱ្យអ្នកប្រើប្រាស់មើលបាន
ឧបករណ៍សម្រាប់បង្ហាញទិន្នន័យមានដូចជា៖
ម៉ូនីទ័រ៖ ជាប្រភេទឧបករណ៍បញ្ចេញ ទិន្នន័យដែលគេប្រើជាទូទៅ ដើម្បីបង្ហាញលទ្ធផល បន្ទាប់ពីស៊ីភីយូធ្វើការគណនា រួចរាល់។បច្ចេកវិទ្យាក្នុងការផលិត ម៉ូនីទ័រមានបីប្រភេទគឺ៖
- ស៊ីអធី (Cathode Ray Tube)
- អិលស៊ីឌី (Liquide Crystal Display)
- ផ្លាស្មា (Plasma)
ព្រីនធ័រ៖ គឺជាឧបករណ៍សម្រាប់បង្ហាញ ទិន្នន័យដែលអនុញ្ញាតឱ្យ អ្នកប្រើប្រាស់បោះពុម្ព អក្សរឬរូបភាព នៅលើក្រដាស់ឬ transparent film។យើងអាចហៅវាថាជា ម៉ាស៊ីនសម្រាប់បោះពុម្ពផងដែរ។ព្រីនធ័រមានច្រើនប្រភេទដូចជា៖
- Laser ព្រីនធ័រ
- Inkjet ព្រីនធ័រ
- ដតម៉េទ្រីសព្រីនធ័រ
ប្រភេទព្រីនធ័រ
ផ្លតធ័រ៖ ជាឧបករណ៍សម្រាប់បង្ហាញ ទិន្នន័យចេញមកក្រៅ នៅលើក្រដាសដូចទៅនឹង ព្រីនធ័រដែរប៉ុន្តែ វាធំជាងព្រីនធ័រ។វាភាគច្រើនប្រើ សម្រាប់បោះពុម្ភរូបធំៗ។
Plotter
អូប៉ាល័រ ឬ បំពង់ឧគ្ឃោសនស័ព្ទ (Speaker)៖ ក៏ជាឧបករណ៍សម្រាប់បញ្ចេញ ទិន្នន័យដែរតែវាប្រើប្រាស់ ដើម្បីបច្ចេញ សំឡេងដែលបង្កើតដោយ កាតសំឡេង (Sound Card) របស់កុំព្យូទ័រ។ បំពង់ឧគ្ឃោសនស័ព្ទ ត្រូវបានភ្ជាប់ទៅនឹងកាត សំឡេងរបស់កុំព្យូទ័រ តាមខ្សែដើម្បី ធ្វើឱ្យកុំព្យូទ័រ អាចស្តាប់សំឡេងបាន។ កុំព្យូទ័រភាគច្រើនគឺមាន អូប៉ាល័រឬបំពង់ ឧគ្ឃោសនស័ព្ទ នៅក្នុងកុំព្យូទ័រភ្ជាប់មកស្រាប់ ដែលភាសា អង់គ្លេសហៅថា (Internal Speaker)។វាត្រូវបានភ្ជាប់ទៅនឹង Mainboard ដែលមានទីតាំងនៅខាង ក្នុងស៊ីស្តឹមយ៉ូនីតរបស់កុំព្យូទ័រ។ បើកុំព្យូទ័ររបស់អ្នកអត់មាន អូប៉ាល័រនៅខាងក្នុងទេ អ្នកមិនអាចចាក់សំឡេង ឬភ្លេងបានទេ លុះត្រាតែអ្នកទិញ បំពង់ឧគ្ឃោសនស័ព្ទ ភ្ជាប់ខាងក្រៅបន្ថែម ដែលភាសាអង់គ្លេស ហៅថា (External Speaker)។
សូមទាញយកឯកសារៈ
Download