ថ្មីៗនេះនៅលើបណ្តាញ សង្គមហ្វេសប៊ុក មានព័ត៌មានជាច្រើន អំពីការចូលកាន់កាប់ គណនីហ្វេសប៊ុក របស់អ្នកប្រើប្រាស់ ពីសំណាក់ចោរព័ត៌មានវិទ្យា ឬជនខិលខូចមួយចំនួន។ថ្ងៃនេះអ្នកជំនាញនឹង ធ្វើការណែនាំអំពីរបៀប ការពារគណនី ហ្វេសប៊ុករបស់អ្នក ឱ្យមានសុវត្ថិភាព។
ក្នុងករណីបើអ្នកសង្ស័យថា មានជនទី៣ចូលកាន់កាប់ គណីរបស់អ្នក អ្នកអាចត្រួតពិនិត្យបាន ទៅតាមការណែនាំដែល មានក្នុងអត្ថបទនេះ “តើធ្វើដូចម្តេចដើម្បី ដឹងថាគណនី ហ្វេសប៊ុករបស់អ្នក ត្រូវបានចោរចូល កាន់កាប់?“
- ការពារពាក្យសម្ងាត់របស់អ្នកឱ្យបានល្អ
- កុំប្រើប្រាស់ពាក្យសំងាត់ ដែលអ្នកប្រើប្រាស់ ក្នុងហ្វេសប៊ុក នៅគេហទំព័រផ្សេង ឬនៅលើអនឡាញ
- កុំប្រាប់ពាក្យសង្ងាត់ ហ្វេសប៊ុករបស់អ្នក ទៅអ្នកដទៃ។ អ្នកគួរតែជាមនុស្ស តែម្នាក់គត់ដែល ស្គាល់ពាក្យសម្ងាត់ នោះ
- ការដាក់លេខសម្ងាត់ គួរជៀសវាងការយក ឈ្មោះរបស់អ្នកឬពាក្យធម្មតា ដែលមាននៅក្នុង វចនានុក្រមដាក់។ពាក្យសម្ងាត់របស់អ្នក គួរតែពិបាកក្នុងការស្មាន។ សូមអាន “គន្លឹះក្នុងការបង្កើត Password ដែលខ្លាំង និង ងាយចាំ“
- ប្រើប្រាស់មុខងារបន្ថែម ដែលផ្តល់ដោយហ្វេសប៊ុក ដើម្បីធ្វើឱ្យគណនី របស់អ្នកសុវត្ថិភាពខ្ពស់
- បើកមុខងារជូនដំណឹង ក្នុងករណីមានជនទី៣ ចូលទៅកាន់គណនីរបស់អ្នក
- បើកមុខងារការពារសុវត្ថភាព ដើម្បីការផ្ទៀងផ្ទាត់ អត្តសញ្ញាណពីរជាន់។ រួចសូមជ្រើសរើសយក មុខងារ សន្តិសុខបន្ថែម ពីបញ្ជីដែលផ្តល់ដោយហ្វេសប៊ុក
- ជ្រើសរើសបុគ្គល ដែលអ្នកទុកចិត្តបាន ដូចជាមិត្តភ័ក្ត្រ ឬសមាជិកគ្រួសារ ដើម្បីអាចជួយអ្នក ក្នុងការដោះសោរ គណនីរបស់អ្នក ប្រសិនបើមាន ជនខិលខូចចូល កាន់កាប់គណនីរបស់អ្នក។
- ត្រូវប្រាកដថាគណនី អ៊ីម៉ែលរបស់អ្នក ដែលភ្ជាប់ជាមួយហ្វេសប៊ុក មានសុវត្ថិភាព
- ចាកចេញពីគណនី ហ្វេសប៊ុករបស់អ្នក នៅពេលអ្នកប្រើប្រាស់ កុំព្យូទ័រដែលអ្នក ចែករំលែកជាមួយ មនុស្សផ្សេង ទៀត។ប្រសិនបើអ្នកភ្លេច អ្នកអាចចាកចេញពីចម្ងាយ។
- សូមពិចារណាឱ្យបាន ត្រឹមត្រូវមុនពេលអ្នក ចុចទៅលើតំណភ្ជាប់ នៅលើហ្វេសប៊ុក ឬគេហទំព័រផ្សេងទៀត។ព្រោះតណភ្ជាប់ទាំងនោះ អាចផ្ទុកនៅ មេរោគកុំព្យូទ័រ។