ថ្ងៃនេះអ្នកជំនាញ នឹងបង្ហាញអំពីវិធីសាស្ត្រ យ៉ាងសាមញ្ញបំផុត ដើម្ប ដឹងថាតើគណនី ហ្វេសប៊ុករបស់អ្នក ត្រូវបាន ចោរព័ត៌មានវិទ្យា ចូលកាន់កាប់ (Hacked) ឬក៏អត់ និងវិធីសាស្ត្រដើម្បី ការពារគណនី របស់អ្នកឱ្យមាន សុវត្ថិភាព ខ្ពស់ជាងមុន។
ពួកចោរព័ត៌មានវិទ្យា ប្រើប្រាស់គណនីហ្វេសប៊ុក ដែលពួកវាបានចូល កាន់កាប់ដើម្បីទាញយក ប្រយោជន៍តាម មធ្យោ បាយផ្សេងគ្នាជាច្រើន ដូចជាផ្ញើសារទៅកាន់ មិត្តភ័ក្ត្ររបស់អ្នក ដើម្បីខ្ចីលុយ ឬបោកប្រាស់សមាជិក ក្រុមគ្រួសាររបស់អ្នក ដើម្បីយកលុយជាដើម។
មុខងារ “ការចូលដោយស្វ័យប្រវត្តិ“ (log-ins) តាមរយៈហ្វេសប៊ុក អនុញ្ញាតឱ្យពួកចោរ ព័ត៌មានវិទ្យា អាចចូលទៅកាន់ គណនីគេហទំព័រ ផ្សេងគ្នាជាច្រើន នៅពេលដែលពួកវា ចូលកាន់កាប់គណនី ហ្វេសប៊ុករបស់អ្នក។ Profile របស់អ្នកអាច បើកផ្លូវឱ្យពួក ចោរព័ត៌មានវិទ្យា ចូលទៅប្រមូលព័ត៌មាន ផ្ទាល់ខ្លួនរបស់អ្នកជាច្រើន ដែលពួកវាអាចយក ព័ត៌មានទាំងនោះ ដើម្បីលួច អត្តសញ្ញាណរបស់អ្នក។
តើធ្វើដូចម្តេចដឹងថាតើ គណនីហ្វេសប៊ុករបស់អ្នក ត្រូវបានជនខិលខូច ចូលកាន់កាប់?
ក្នុងករណីអ្នកមានការសង្ស័យ និងព្រួយបារម្ភថា គណនីរបស់អ្នកត្រូវបានគេលួច មានវិធីសាស្ត្រយ៉ាង សាមញ្ញមួយដើម្បី ត្រួតពិនិត្យមើល។ ចុចសញ្ញាព្រួញនៅ ជ្រុងខាងស្តាំផ្នែកខាងលើ នៃទំព័រហ្វេសប៊ុករបស់អ្នក អ្នកនឹងបានឃើញម៉ឺនុយ រួចជ្រើសរើសពាក្យ Settings ម៉ឺនុយថ្មីមួយនឹងលេចឡើង។ បន្ទាប់មកជ្រើសរើសពាក្យ Security and login ក្រោមពាក្យ General ផ្នែកខាងឆ្វេងដូចបានឃើញដូចរូបខាងក្រោម៖
នៅត្រង់កន្លែងផ្នែក Where You’re Logged In អ្នកនឹងឃើញបញ្ជីនៃ ឧបករណ៏ទាំងអស់ដែល អ្នកបានប្រើដើម្បីចូល ហ្វេសប៊ុក និងទីតាំងដែលឧបករណ៍ នោះត្រូវបានប្រើប្រាស់។ ប្រសិនអ្នកសង្ស័យ ឧបករណ៍មួយណា ដែលអ្នកមិនបាន ប្រើនិងការបង្ហាញទីតាំង មិនមែនជាទីតាំងដែល អ្នកធ្លាប់ទៅ ឬគួរឱ្យសង្ស័យសូមចុច Not You? នៅផ្នែកខាងស្តាំនៃ កំណត់ ហេតុនៃការប្រើប្រាស់ ហ្វេសប៊ុករបស់អ្នក ដូចបង្ហាញក្នុងរូបខាងក្រោម៖
ចុច Not You? ដើម្បីការពារគណនី ហ្វេសប៊ុករបស់អ្នក ពីចោរព័ត៌មានវិទ្យា។
រួចចុច Secure Account. បន្ទាប់មកហ្វេសប៊ុក នឹងនែនាំអ្នកដើរតាម ជំហានសុវត្ថិភាព ដើម្បីការពារគណនីរបស់អ្នក ឱ្យមានសុវត្ថិភាព បន្ទាប់ពីធ្វើការវិភាគ លើគណនីរបស់អ្នក។ រួចសូមចុច Get Started.
រួចអានរបៀបការពារគណនី ហ្វេសប៊ុករបស់អ្នក ឱ្យមានសុវត្ថិភាព។