តើអ្វីទៅជា Bootstrap? ការប្រើប្រាស់ Bootsrap
ការណែនាំអំពីការប្រើប្រាស់ Bootstrap
ដោយសារតែសព្វថ្ងៃនេះ ការប្រើប្រាស់បណ្ដាញអ៊ីនធឺណែត កាន់តែមានភាពទូលំទូលាយ ពីមួយថ្ងៃទៅមួយថ្ងៃ ដូចនេះមនុស្សជាច្រើនពឹងផ្អែកទៅលើវែបសាយក្នុងការធ្វើអាជីវកម្ម ក៏ដូចជាការផ្សព្វផ្សាយពាណិជ្ជកម្ម ឬផលិតផលជាដើម ហើយ ដើម្បីឲ្យកាន់តែមានភាពល្អប្រសើរទៀតនោះ ក្នុងនាមយើងជាអ្នកសរសេរកូដបង្កើតគេហទំព័រ ត្រូវធ្វើយ៉ាងត្រូវដុសខាត់នូវជំនាញដែលមានស្រាប់ហើយចេះ Update នោះជំនាញនោះឲ្យតាមទាន់នូវសម័យកាលទំនើបទើបជាការប្រសើរ។ ការប្រើប្រាស់ Bootstrap គឺមានភាពពេញនិយមទូទាំងពិភពលោក និង ជួយឲ្យ Website Designer មានភាពងាយស្រួលក្នុងការប្រើប្រាស់ ថែមទាំងធ្វើការងារបានឆាប់រហ័ស និង កាត់បន្ថយនូវការសរសេរ Raw កូដបានថែមទៀត។
តើអ្វីទៅជា Bootstrap?
Bootstrap គឺជា Front-end framework ដែលផ្តោតលើការរចនាគេហទំព័រទូទៅ ដែលវាបានបញ្ជូលនូវ HTML និង CSS ដើម្បីបង្កើតនូវពុម្ពគំរូគេហទំព័រ (Templates) ដែលមានដូចជា៖ Forms, buttons, tables, navigation, modals, image carousels និងអាចបង្កើតអី្វៗជាច្រើនទៀត ។ ហើយអ្វីដែលធ្វើឲ្យវាកាន់ល្អទៀតនោះគឺវាបានបញ្ជូលផ្សំជាមួយនឹង JavaScript (JavaScript Plugins) ដែលធ្វើឲ្យការងាររបស់អ្នក ងាយស្រួល នឹងរហ័ស។ Bootstrap ថែមទាំងអាចសម្រួលដល់ការរចនាគេហទំព័រ ដែលផ្តល់ភាពងាយស្រួលក្នុងការប្រើបា្រស់ នៅលើគ្រប់ឧបករណ៍ដូចជា កុំព្យូទ័រ និងទូរស័ព្ទរ។ ក្រុមអ្នកអភិវឌ្ឍន៍ រចនាគេហទំព័រ (Developers) បានបង្តើតនូវ Editors/ Tools ជាច្រើនដែលផ្តល់ឲ្យ ការរចនាគេហទំព័រ របស់អ្នកកាន់តែងាយស្រួល នឹងរហ័សថែមទៀត ដែលផ្តល់ឲ្យអ្នកទទួលបានគេហទំព័រដ៏ស្រស់ស្អាតមួយ។ ខាងក្រោមគឺជាកម្មវិធីសំរាប់រចនាគេហទំព័រដោយប្រើ Bootstrap ៖
អ្វីទៅជា Bootstrap? និង អ្វីទៅជា Framework?
Bootstrap គឺជា Framework នៃភាសា HTML, CSS និង JavaScript បានន័យថា វាជាបណ្ដុំ រចនាសម្ព័ន្ធនៃភាសា HTML, CSS និង JavaScript ។ និយាយយ៉ាងសាមញ្ញ Bootstrap គឺជាកូដ CSS ឬ JavaScript ដែលគេសរសេររួចមកហើយ ហើយយើងគ្រាន់តែយកកូដដែលគេសរសេររួចនោះ មកភ្ជាប់នៅលើគេហទំព័ររបស់យើង ហើយប្រើប្រាស់លើធាតុណាមួយនៃគេហទំព័ររបស់យើង តាមការណែនាំរបស់គេ។ • Bootstrap រួមមានគំរូរចនា HTML និង CSS ដែលមានdesign templates for typography, forms, buttons, tables, navigation, modals, image carousels,ក៏ដូចជាកម្មវិធីជំនួយ JavaScript ស្រេចចិត្ត។ • Bootstrap ក៏ផ្តល់ឱ្យអ្នកនូវសមត្ថភាពក្នុងការបង្កើតការរចនាឆ្លើយតបយ៉ាងងាយស្រួល • Framework គឺជាបណ្ដុំ រចនាសម្ព័ន្ធនៃភាសាណាមួយ ។
