តើអ្វីជាបញ្ញាសិប្បនិម្មិត Artificial Intelligence?
Photo credit: wikidpedia ៖ រូបលោក ចន ម៉ាក់ខាស៊ី ឆ្នាំ២០០៦
និយមន័យនៃពាក្យ បញ្ញាសិប្បនិម្មិត Artificial Intelligence
តាមនិយមន័យរបស់បិតាបញ្ញាសិប្បនិម្មិត លោក ចន ម៉ាក់ខាស៊ី John McCarthy ៖ ” បញ្ញាសិប្បនិម្មិត គឺជាវិទ្យាសាស្រ្តនិងវិស្វកម្ម នៃការបង្កើតម៉ាស៊ីនដែលមានបញ្ញា ជាពិសេសគឺ កម្មវិធីកុំព្យូទ័រដែលមានបញ្ញា ” ។
“Artificial Intelligenc is the science and engineering of making intelligent machines.” – John McCarthy
បញ្ញាសិប្បនិម្មិត ផ្គុំមកពីពាក្យពីរគឺ បញ្ញា និង សិប្បនិម្មិត ។ បញ្ញា គឺសមត្ថភាពគិត ។ សិប្បនិម្មិត គឺដែលត្រូវបានបង្កើតដោយមនុស្ស មិនមែនដោយធម្មជាតិ។ ដូចនេះ បញ្ញាសិប្បនិម្មិត គឺជាសមត្ថភាពគិតដែលបង្កើតដោយមនុស្ស។ បញ្ញាសិប្បនិម្មិត គឺជាឧបករណ៍ ឬម៉ាស៊ីន ដែលមនុស្សបង្កើតឡើង ហើយធ្វើឲ្យវាចេះគិត ចេះវិភាគ ចេះរកហេតុផល បង្ហាញផលវិបាក ចេះដោះស្រាយបញ្ហា និងចេះសម្រេចចិត្ត ដោយខ្លួនឯង។
គោលដៅ នៃបញ្ញាសិប្បនិម្មិត Artificial Intelligence
១. បង្កើតម៉ាស៊ីន ឬឧបករណ៍ មានបញ្ញាបែបដូចមនុស្ស ដើម្បីធ្វើកិច្ចការដែលគ្រោះថ្នាក់ខ្លាំង និងកិច្ចការដែលត្រូវការបញ្ញាខ្លាំង។
២. បង្កើតប្រភេទប្រព័ន្ធឯកទេស Expert Systems ដែលឆ្លាត ចេះរៀនដោយខ្លួនឯង ចេះពន្យល់ចេះបង្ហាញ និងផ្តល់យោបល់ដល់មនុស្ស។
៣. បង្កើតម៉ាស៊ីនដែលមានបញ្ញាជាងមនុស្ស មិនមានចន្លោះប្រហោង មិនមានចំណុចខ្សោយ មិនមានកំហុស គឺមានបញ្ញាឥតខ្ចោះ។
Photo credit: tutorialspoint.com ៖ ធាតុផ្សំនៃបញ្ញាសិប្បនិម្មិត
Photo credit: data-flair.training ៖ ការប្រើបញ្ញាសិប្បនិម្មិត
