Programming language នីមួយៗគួរតែត្រូវបានជ្រើសរើសដោយពឹងផ្អែកលើបញ្ហាជាក់លាក់ដែលអ្នកគ្រោងនឹងដោះស្រាយ។ នៅក្នុងអត្ថបទនេះយើងនឹងពិភាក្សាថាតើ programming language ណាខ្លះដែលត្រូវបានប្រើក្នុងវិជ្ជាជីវៈទាំងអស់នោះ ដើម្បីឱ្យអ្នកមានការយល់ដឹងកាន់តែច្បាស់ពីមូលហេតុអ្វីដែលអ្នកត្រូវរៀន programming language ច្រើនជាងមួយ ហើយភាសាណាដែលអ្នកត្រូវផ្តោតសំខាន់លើទៅតាមផែនការអាជីពរបស់អ្នក។
Frontend Developer
Frontend Developer បង្កើតផ្នែកដែលមើលឃើញនៃគេហទំព័រ ដើម្បីធ្វើឱ្យមានភាពងាយស្រួលក្នុងការប្រើប្រាស់។ គាត់/នាងនឹងទទួលបានការពិពណ៌នាអំពី interface និងរូបរាងរបស់វាពី designer។ បន្ទាប់ពីនោះគាត់/នាងនឹងបង្កើត page ហើយអនុវត្តមុខងារដែលអាចឱ្យអ្នកប្រើប្រាស់មានទំនាក់ទំនងជាមួយវាបាននិងធ្វើឱ្យប្រាកដថាគេហទំព័រមានភាពងាយស្រួលក្នុងការប្រើប្រាស់។ Frontend Developer ធ្វើការយ៉ាងជិតស្និទ្ធជាមួយអ្នក Backend Developer។ ដូច្នេះពេលខ្លះគាត់/នាងអាចរីកចម្រើនទៅជា Fullstack Developer (អ្នកជំនាញដែលអាចធ្វើបានទាំងផ្នែក frontend និង backend development)
តើភាសាអ្វីខ្លះដែល frontend developer យកមកប្រើប្រាស់?
HTML– នៅក្នុងភាសានេះដើម្បីសរសេរ markup ឱ្យ page មានន័យថា (រចនាសម្ព័ន្ធ sections កថាខណ្ឌ ការរៀបចំ elements នៅលើគេហទំព័រ)។ HTML មាន tags ដែលគ្រប់គ្រងទិន្នន័យដែលត្រូវបង្ហាញនៅលើអេក្រង់។
CSS– ទទួលខុសត្រូវចំពោះការកំណត់រចនាប័ទ្មនិងទីតាំងនៃធាតុនៅក្នុង browser។ វាជួយបន្ថែមស្ទីល ពណ៌ និង organically embed indentation។
JavaScript– ធ្វើឱ្យគេហទំព័រមានអន្តរកម្ម។ អ្នកសរសេរកម្មវិធីអាចប្រើវាដើម្បីបន្ថែមធាតុ dynamic (sliders, pop-ups) រក្សាអន្តរកម្ម៖ ពួកវានឹងមានប្រតិកម្មចំពោះសកម្មភាពរបស់អ្នកប្រើប្រាស់ (ការចុច ឬ ចលនា) និងការផ្លាស់ប្តូរ។ ឧទាហរណ៍៖ News Feed នៅក្នុងបណ្តាញសង្គមធ្វើការ load នៅពេលដែលអ្នក scroll ដោយសារតែ JavaScript។ សម្រាប់គម្រោងស្មុគស្មាញ វាជាការប្រសើរក្នុងការប្រើ frameworks និង libraries ដែលគេបង្កើតហើយ (React, Angular or Vue)។ ជាញឹកញាប់ពួកយើងក៏ឃើញ JavaScript ត្រូវបានប្រើប្រាស់នៅផ្នែក backend ផងដែរឥឡូវនេះ។
Backend Developer
Backend Developer ធ្វើការនៅផ្នែក server-side នៃផលិតផល វាជាផ្នែកដែលត្រូវបានលាក់បាំងពីអ្នកប្រើប្រាស់។ ដែលវាមិនត្រឹមតែមានភាពចាំបាច់សម្រាប់គេហទំព័រប៉ុណ្ណោះទេ ប៉ុន្តែក៏សម្រាប់កម្មវិធីទូរស័ព្ទ និងហ្គេមអនឡាញដែលមានអ្នកលេងច្រើនផងដែរ។ ឧទាហរណ៍៖ ដូចជាធនាគារប្រើវាដើម្បីវិភាគការទូទាត់ពី terminals និង រចនា storage systems ។
តើភាសាអ្វីខ្លះដែល backend developer យកមកប្រើប្រាស់?
PHP– ជា programming language ដែលមានការពេញនិយមបំផុតព្រោះវាត្រូវបានរចនាឡើងសម្រាប់ backend sites។ កូដ PHP ផ្ទេរព័ត៌មានពី database ទៅ frontend។ ឧទាហរណ៍៖ វាបង្ហាញពីផលិតផលដូចជាឈ្មោះនិងតម្លៃរបស់វានៅលើ page នៃហាងអនឡាញ។ ជាមួយនឹង frameworks ដូចជា Symfony ឬ Laravel អ្នកអាចកាត់បន្ថយការងារដដែលៗដោយការមិនខ្ជះខ្ជាយពេលវេលារបស់អ្នកក្នុងការសរសេរកម្មវិធី standard modules ឡើងវិញ។
Go– អាចជួយ implement backend ដែលជួយឱ្យ product នឹងធ្វើអន្តរកម្ម។ វាត្រូវបានប្រើជាញឹកញាប់បំផុតដើម្បីអភិវឌ្ឍ microservices និង high-load projects ដែលអ្នកប្រើប្រាស់ជាច្រើនកំពុងធ្វើការជាមួយ website ឬ application។
C#– ត្រូវបានពេញនិយមពីសំណាក់ developers ព្រោះវាមានថាមពលរបស់ C++ ប៉ុន្តែវាងាយស្រួលប្រើជាងដោយសារវាការពារ commands ពី errors ដែលជាធម្មតាវាអាចធ្វើឱ្យអ្នកប្រើ C++ ច្រឡំបាន។
Fullstack Developer
Fullstack Developer រាប់រងការអភិវឌ្ឍទាំងផ្នែកខាង frontend និងផ្នែកខាង backend។ គាត់/នាងអាចបង្កើត web application ទាំងមូលពី layout មួយទៅជា business logic នៅលើម៉ាស៊ីន server។ Fullstack បង្កើតស្ថាបត្យកម្ម និងស្នូលនៃគេហទំព័រ អភិវឌ្ឍមុខងារ សរសេរកូដ បង្កើតទំព័រធ្វើការដោយចាប់ផ្តើមពី layout testing គេហទំព័រ ហើយនិងធ្វើបច្ចុប្បន្នភាព databases និង sections។
តើភាសាអ្វីខ្លះដែល Fullstack developer យកមកប្រើប្រាស់?
មានជម្រើសជាច្រើនណាស់ក្នុងការអភិវឌ្ឍគេហទំព័រ backend។ ឧទាហរណ៍៖ ភាសា Python រួមបញ្ចូលគ្នាជាមួយ Django ឬ PHP framework និង framework មួយក្នុងចំណោម៖ Laravel, YII, ឬ Symfony។ នៅក្នុង C# អ្នកអាចប្រើ framework ASP.Net ហើយបើសំរាប់ Java វិញអ្នកអាចប្រើ Spring។
Tester និង QA Engineer
Tester មើលពីវិធីដែល product ធ្វើមុខងាររបស់វា និងរបៀបដែលវាប្រព្រឹត្ដក្នុងស្ថានភាពមិនស្តង់ដារ។ អ្នកដែលទើបតែចាប់ផ្តើមដំបូង ត្រូវយល់ពីភាពខុសគ្នាយ៉ាងសំខាន់រវាងការធ្វើតេស្តដោយដៃ (នៅពេលដែល product ត្រូវបានធ្វើតេស្តដោយដៃ) និងស្វ័យប្រវត្តិកម្ម (នៅពេលដែលកម្មវិធីធ្វើតេស្ត software ដោយស្វ័យប្រវត្តិដោយគ្មានជំនួយពីមនុស្ស)។ ជាប្រពៃណី tester ចាប់ផ្តើមអាជីពជាមួយនឹងការធ្វើតេស្តដោយដៃដែលក្នុងពេលតែមួយនោះក៏ត្រូវរៀន programming languages ដើម្បីប្តូរទៅជាអ្នកធ្វើតេស្តដោយស្វ័យប្រវត្តិផងដែរ។
ជាធម្មតា QA Engineer គឺជាអ្នកគ្រប់គ្រង product ផងដែរ។ ការងាររបស់គាត់/នាងគឺអភិវឌ្ឍស្តង់ដារក្នុងការជ្រើសរើសឧបករណ៍ដើម្បីកាត់បន្ថយចំនួនកំហុសឱ្យអប្បបរមានៅគ្រប់ដំណាក់កាល និងត្រួតពិនិត្យគុណភាពនៃដំណើរការ។
តើភាសាអ្វីខ្លះដែល QA Engineer យកមកប្រើប្រាស់?
អ្នកធ្វើតេស្តដោយដៃមិនចាំបាច់ត្រូវចេះកូដទេ។ ប៉ុន្តែសំរាប់អ្នកធ្វើតេស្តដោយប្រើវិធីសាស្រ្តតេស្តិ៍ស្វ័យប្រវត្តិវិញចាំបាច់ត្រូវយល់ដឹងអំពី Python និង PyTest framework និងព្រមទាំងចេះប្រើ Selenium ដើម្បីធ្វើតេស្តសាកល្បង web applications ផងដែរ មិនតែប៉ុណ្ណោះក៏ត្រូវយល់ដឹងអំពីឧបករណ៍ធ្វើតេស្តដែលមានស្រាប់នៅក្នុង browsers (ឧទាហរណ៍៖ Chrome DevTools នៅក្នុង Google Chrome ជាដើម)។
Java ក៏ជាភាសាដ៏ពេញនិយមមួយ ទៀតផងដែរសម្រាប់បង្កើតការធ្វើតេស្តដោយស្វ័យប្រវត្តិ។ Selenium អាចប្រើបានជាមួយភាសាទាំងពីរដែលមានន័យថាវាអាចរួមបញ្ចូលជាមួយ JUnit ដែលជា frameworks ដែលកំពុងពេញនិយមបំផុត។ Jenkins ត្រូវបានប្រើដើម្បីបង្កើតនិងធ្វើតេស្ត projects ជារឿយៗដែលធ្វើឱ្យវាមានភាពងាយស្រួលក្នុងការផ្លាស់ប្តូរ។
ជំនួសឱ្យការប្រើ Java អ្នកធ្វើតេស្តក៏អាចប្រើ Kotlin វិញ។ syntax របស់វាមានលក្ខណៈតិចជាងបើប្រៀបធៀបទៅនឹង Java ដែលមូលហេតុនេះធ្វើឱ្យវាកាន់តែមានភាពងាយស្រួលក្នុងការពិនិត្យមើលកូដនិងសរសេរតេស្ត API (ស្វែងរកកំហុសនៅក្នុងការតភ្ជាប់នៃ systems ផ្សេងៗគ្នា)។
Mobile Developer
Mobile Developer បង្កើតកម្មវិធីសម្រាប់ smartphones tablets នាឡិកាដៃ ឬឧបករណ៍ចល័តផ្សេងៗ។ គាត់/នាងគ្រប់គ្រងរាល់ដំណាក់កាលនៃការអភិវឌ្ឍន៍ដូចជា៖ ស្ថាបត្យកម្ម ការផ្ទៀងផ្ទាត់ បើកដំណើរការផលិតកម្ម ការផលិត ការបញ្ចេញ updates ឬ implements interface ដោយយោងទៅតាមការ design ដែលបានផ្តល់ឱ្យ។ Mobile Developer អាចមានជំនាញក្នុងការអភិវឌ្ឍប្រព័ន្ធប្រតិបត្តិការ iOS ឬ ប្រព័ន្ធប្រតិបត្តិការ Android មួយៗប៉ុណ្ណោះ ប៉ុន្តែថ្មីៗនេះ cross-platform developers កំពុងតែមានប្រជាប្រិយភាពខ្ពស់។
តើភាសាអ្វីខ្លះដែល Mobile Developer យកមកប្រើប្រាស់?
ពួកគេប្រើ Kotlin និង Java។ សូមធ្វើការអរគុណទៅដល់ការគាំទ្ររបស់ Google ទើប Kotlin បានក្លាយជាភាសាផ្លូវការសម្រាប់ការអភិវឌ្ឍកម្មវិធី Android។ ក្នុងពេលជាមួយគ្នានោះអ្នកអាចធ្វើការបានទាំងពីរភាសានៅក្នុងគម្រោងតែមួយ ដែលពួកវាអាចប្រើជាមួយគ្នាបានពីព្រោះតែ Kotlin គឺជា modified version របស់ Java។
Swift បង្កើត products សំរាប់ Apple ដូចជា៖ កម្មវិធីសំរាប់ iOS, Mac, នាឡិការ Apple, ទូរទស្សន៍ Apple។ វាមានមុខងារច្រើនដែលពិសេសៗនិងងាយស្រួលប្រើ។
DevOps Engineer
DevOps គឺជាសំណុំនៃការអនុវត្ត ឧបករណ៍និងវិធីសាស្រ្តសម្រាប់ដោះស្រាយបញ្ហាវិស្វកម្មនៅក្នុងក្រុមដែលមានគោលបំណងបន្តកែលម្អនិងដំណើរការស្វ័យប្រវត្តិកម្ម។ វិស្វករ DevOps គឺជាការលាយបញ្ចូលគ្នារវាងអ្នកអភិវឌ្ឍន៍ អ្នកធ្វើតេស្តនិងអ្នកគ្រប់គ្រង។ ភារកិច្ចរបស់គាត់រួមមានការធានាឱ្យបាននូវការផ្លាស់ប្តូរពីកូដ ទៅជាផលិតកម្មនិងត្រួតពិនិត្យការអនុវត្តប្រព័ន្ធ។
តើភាសាអ្វីខ្លះដែល DevOps Engineer យកមកប្រើប្រាស់?
Python គឺជាភាសាដ៏ពេញនិយមបំផុតមួយដែលត្រូវបានប្រើដោយ DevOps៖ វាងាយស្រួលប្រើប្រាស់និងអាចយកទៅប្រើបាននៅទូទាំងប្រព័ន្ធប្រតិបត្តិការជាច្រើនផ្សេងគ្នា។ ឧបករណ៍គ្រប់គ្រងដូចជា (Docker, Kubernetes) កំពុងធ្វើសមាហរណកម្មជាបន្តបន្ទាប់ (Jenkins, GitLab) ការដាក់ពង្រាយពុម្ពគំរូ (Puppet, Ansible, Terraform) ត្រូវបានប្រើច្រើនបំផុតដោយ classic DevOps stack។
Game Developer
បង្កើតកម្មវិធីហ្គេមសម្រាប់ platform ទាំងនេះ៖ កុំព្យូទ័រ ឧបករណ៍ចល័ត consoles ឬ VR ផ្សេងៗ។ គាត់/ នាងប្រមូលផ្ដុំគំនិតនិងការរចនារួមបញ្ចូលទៅក្នុងហ្គេមសម្រាប់អ្នកប្រើប្រាស់។ ហ្គេម 3D ដែលអាចឱ្យអ្នកលេងច្រើនអ្នកក្នុងពេលតែមួយមានភាពស្មុកស្មាញក្នុងការបង្កើតជាងទំរង់ហ្គេម 2D ធម្មតា។
តើភាសាអ្វីខ្លះដែល Game Developer យកមកប្រើប្រាស់?
C# គឺជាភាសាមួយដែលពេញនិយមបំផុតសម្រាប់ការអភិវឌ្ឍហ្គេមព្រោះថាផ្នែកនៃ scripting របស់ Unity ដែលជាម៉ាស៊ីនដ៏ល្បីល្បាញមួយត្រូវបានសរសេរនៅក្នុងនោះ។ អ្នកអភិវឌ្ឍន៍ត្រូវការស្វែងយល់អំពី OOP loops functions និង arrays ហើយត្រូវមានការយល់ដឹងខ្ពស់អំពី Unity ដើម្បីសរសេរកូដឱ្យ platform ណាមួយ។ Unity ត្រូវបានបង្កើតឡើងសម្រាប់ mobile devices និង cross-platform។
ជាមួយ C ++ អ្នកមិនត្រឹមតែអាចអភិវឌ្ឍហ្គេមប៉ុណ្ណោះទេប៉ុន្តែថែមទាំងអាចអភិវឌ្ឍម៉ាស៊ីនសម្រាប់ពួកគេទៀតផង (ឧទាហរណ៍៖ Unreal Engine, Cryengine និងផ្នែកសំខាន់ៗនៃ Unity ត្រូវបានសរសេរឡើងដោយភាសា C ++)។ វាត្រូវបានគេប្រើជាញឹកញាប់ដើម្បីបង្កើតហ្គេមដែលមានតម្រូវការក្នុងការដំណើរការខ្ពស់ឧទាហរណ៍៖ ប្រើជាមួយក្រាហ្វិកដែលមានភាពស្មុគស្មាញច្រើន។ វាក៏គាំទ្រ features កម្រិតទាបដើម្បីអនុញ្ញាតឱ្យ product បង្កើនប្រសិទ្ធភាពសំរាប់ platforms ជាក់លាក់ណាមួយ (ដូចជា PlayStation ឬ Xbox)។
Ethical Hacker
គាត់/នាងពិនិត្យមើលលើលទ្ធភាពដែលអាចការពារកម្មវិធីនិង platforms ពីការវាយប្រហាររបស់ពួក Hacker និងណែនាំពីរបៀបដែលម្ចាស់អាចកែប្រែផ្នែកដែលមានភាពខ្វះចន្លោះ។ គាត់/នាងត្រូវធ្វើការជាមួយ pentests ដែល penetration tests ជួយរកភាពចន្លោះប្រហោងដែលងាយរងគ្រោះផ្នែកសុវត្ថិភាពនៅលើគេហទំព័រ ប្រព័ន្ធប្រតិបត្តិការ ឬប្រព័ន្ធសា ជីវកម្ម ដូច្នេះហើយទើប ethical hacker ត្រូវបានគេហៅម៉្យាងទៀតថា pentester។
តើភាសាអ្វីខ្លះដែល Ethical Hacker យកមកប្រើប្រាស់?
Ethical hacker ធ្វើការជាមួយកម្មវិធីដែលបានផលិតរួចនិងប្រព័ន្ធប្រតិបត្តិការ ដូច្នេះគាត់/នាងគួរតែមានចំណេះដឹងអំពីគោលការណ៍និងក្បួនដោះស្រាយក៏ដូចជាវិធីគ្រប់គ្រងនិង hack ពួកវាដែរ។
Scripting language ដូចជា Python ក៏ត្រូវការយកមកប្រើផងដែរ ពីព្រោះ hacker ត្រូវការប្រើវាធ្វើការជាមួយ databases។ ភាសាដែលត្រូវបានប្រើក្នុង standard automation ដើម្បីសរសេរ software components មានដូចជា keylogger ដែលកត់ត្រារាល់សកម្មភាពនៅលើក្តារចុច ឬ brute force ដែលអាចទាយពាក្យសំងាត់ដោយការជ្រើសរើសតួអក្សរផ្សេងៗលាយបញ្ចូលគ្នា។
Data Scientist
Data scientist បង្កើតគំរូដោយប្រើទិន្នន័យដើម្បីជួយដល់អាជីវកម្មនិងអង្គការឱ្យធ្វើការសម្រេចចិត្តកាន់តែប្រសើរ។ ឧទាហរណ៍៖ Data scientist អាចជួយធ្វើឱ្យចរាចរណ៍ដឹកជញ្ជូនប្រសើរឡើង រៀបចំមាតិការបស់រោងកុនអនឡាញទៅតាមចំណូលចិត្តរបស់អ្នកប្រើប្រាស់ និងព្យាករណ៍ពីតម្រូវការផលិតផល។ ពួកគេធ្វើការជាមួយទិន្នន័យទាំងនៅក្នុងក្រុមហ៊ុនធំៗ និងអាជីវកម្មដែលទើបតែចាប់ផ្តើមថ្មីៗ (ឧទាហរណ៍៖ ពួកគេធ្វើការព្យាករណ៍និងបង្កើតគំរូនៃឥរិយាបទរបស់អតិថិជន) ចំណែកឯនៅក្នុងអង្គការវិទ្យាសាស្ត្រវិញ (ឧទាហរណ៍៖ ពួកវាកំណត់រុក្ខជាតិតាមរូបរាង ពណ៌ និងវាយនភាពនៃស្លឹកឈើ)។
អ្នកឯកទេសក្នុងវិស័យនេះធ្វើការជាមួយស្ថិតិ ការព្យាករណ៍ និងអនុវត្តវិធីសាស្រ្ត machine learning ផ្សេងៗ។
Data scientist ធ្វើតេស្តលើសម្មតិកម្ម ធ្វើការពិសោធន៍ជាមួយក្បួនដោះស្រាយ machine learning និង neural networks ហើយក៏រកមើលគំរូនៅក្នុងទិន្នន័យដែលមិនមានរចនាសម្ព័ន្ធត្រឹមត្រូវដើម្បីទស្សទាយលទ្ធផល ដែលវាអាចជួយធ្វើឱ្យអាជីវកម្មឈានខ្ពស់មួយកំរិតឬក៏បង្កើនប្រាក់ចំណេញបាន។
តើភាសាអ្វីខ្លះដែល Data Science យកមកប្រើប្រាស់?
Python គឺជាភាសាមួយក្នុងចំណោមភាសាដែលមានប្រជាប្រិយដែលត្រូវបានប្រើក្នុង data science។ វាមាន syntax សាមញ្ញ ដូច្នេះវាបង្ករភាពងាយស្រួលក្នុងការសិក្សាភាសានេះបានយ៉ាងឆាប់រហ័ស។ Python មាន libraries និង frameworks មួយចំនួនធំដូចជា៖ Data scientist ប្រើប្រាស់ Pandas សម្រាប់ការវិភាគទិន្នន័យ ហើយប្រើ NumPy library ដើម្បីដោះស្រាយប្រព័ន្ធសមីការស្មុគស្មាញ។
Scikit-learn មានប្រយោជន៍សម្រាប់ machine learning។ នៅក្នុង Matplotlib (library សម្រាប់ទិន្នន័យ visualization) ទិន្នន័យដែលបានធ្វើការវិភាគនឹងត្រូវបានផ្លាស់ប្តូរទៅជា visual ក្រាហ្វ។
ភាសា C / C ++ programming ត្រូវបានប្រើប្រាស់ក្នុង data science ផងដែរ។ បើ Python ផ្តល់នូវភាពងាយស្រួលក្នុងការគ្រប់គ្រងកូដ អញ្ចឹង C / C ++ ក៏ជួយបង្កើនល្បឿនដែរ។ ប្រតិបត្តិការធ្វើការឆ្លើយតបលឿនជាងមុន ដែលជាឧទាហរណ៍វាត្រូវបានប្រើនៅក្នុង search engines ឬប្រើក្នុងការអភិវឌ្ឍហ្គេមកុំព្យូទ័រ។ ម៉្យាងវិញទៀតភាសាទាំងនេះត្រូវបានប្រើសម្រាប់សរសេរ libraries និង frameworks ដើម្បីធ្វើការជាមួយទិន្នន័យរបស់ពួកគេ (ឧទាហរណ៍ TensorFlow ឬ Shark ប្រើសម្រាប់ machine learning) ។
អត្ថប្រយោជន៍នៃភាសា R programming គឺវាមានភាពសាមញ្ញបំផុតក្នុងការមើលឃើញទិន្នន័យ។ ភាសា R សង្កត់ធ្ងន់ទៅលើស្ថិតិ ដូច្នេះ ហើយទើប syntax របស់វាមានលក្ខណៈស្មុគស្មាញជាងនៅ Python។ វាមាន libraries យ៉ាងច្រើនសន្ធឹកសន្ធាប់ រួមទាំង machine learning (Caret, MLR, randomForest) powerful visualization libraries (Ggplot2, Esquisse, ggvis) ធ្វើការជាមួយ strings (stringr) និងរៀបចំទិន្នន័យ (Dplyr, data.table)។
Matlab ជួយទាញយកទិន្នន័យពីការផ្ទុកក្នុង cloud storage ឬ pre-process និងបង្កើតលទ្ធផលវិភាគជាក្រាហ្វដោយប្រើ Live Editor environment។ Matlab កាត់បន្ថយពេលវេលាដំណើរការសម្រាប់ប្រភេទទិន្នន័យផ្សេងៗគ្នា៖ ពីរូបភាពទៅអត្ថបទ។ ម៉ូដែល machine learning ត្រូវបានគេនិយាយថា វាក៏អាចត្រូវបានគេដាក់ប្រើនៅក្នុង C ឬ C ++ ផងដែរ។
Data Analyst
អ្នកវិភាគទិន្នន័យធ្វើការប្រមូល ដំណើរការ វិភាគ និងបង្ហាញទិន្នន័យ។ អ្នកវិភាគជួយអាជីវកម្មឱ្យធ្វើការសន្និដ្ឋានល្អបំផុតពីទិន្នន័យ។ឧទាហរណ៍៖ ធ្វើការ កំណត់ថានៅពេលណាដែលអ្នកប្រើប្រាស់ភាគច្រើនសម្រេចចិត្តប្តូរទៅប្រើគម្រោង premium ខណៈពេលប្រើ application។ ឬមូលហេតុណាមួយដែលធ្វើឱ្យអ្នកប្រើប្រាស់ឈប់ប្រើសេវាកម្ម។
តើភាសាអ្វីខ្លះដែលអ្នកវិភាគទិន្នន័យយកមកប្រើប្រាស់?
អ្នកវិភាគទិន្នន័យធ្វើការជាមួយទិន្នន័យដោយប្រើវិធីសាស្ត្រខាងស្ថិតិធ្វើការសន្និដ្ឋានព័ត៌មានដែលមាន ដូច្នេះ Python និង R នៅតែមានគុណប្រយោជន៍នៅក្នុងការងារនេះ។ Scripts នៅក្នុងភាសាទាំងនេះអាចដំណើរការបាននៅក្នុង Tableau (តាមរយៈ TabPy) និង Power BI នៅខណៈពេលដែលការសន្និដ្ឋាននិង metrics អាចត្រូវបានបង្ហាញនៅក្នុងផ្ទាំងព័ត៌មានដែលងាយមើលយល់។ បន្ថែមលើតារាង Excel អ្នកវិភាគអាចធ្វើការជាមួយទិន្នន័យពី databases។ ដើម្បីធ្វើការងារនេះបាន យើងត្រូវការជាចាំបាច់នូវចំណេះដឹងខាងភាសា SQL។
ពួកយើងសង្ឃឹមថាអត្ថបទនេះបានផ្តល់ឱ្យអ្នកនូវគំនិតមួយចំនួនដែលទាក់ទងអំពីការងារនិងភាសា programming។ ដើម្បីក្លាយជាអ្នកអភិវឌ្ឍន៍អាជីពនៅក្នុងវិស័យណាមួយដែលអ្នកជ្រើសរើស ជារឿយៗវាមិនអាចទៅរួចទេដោយគ្រាន់តែរៀននិងស្គាល់ភាសា programming តែមួយភាសានោះ ម៉្យាងទៀតការអភិវឌ្ឍជំនាញវិជ្ជាជីវៈថ្មីៗត្រូវបានទាមទារឱ្យធ្វើជាប្រចាំ ដើម្បីប្រាកដថាជំនាញវិជ្ជាជីវៈរបស់អ្នកដើរទាន់សម័យកាល។ សូមធ្វើការពិនិត្យមើលកម្មវិធីសិក្សាជំនាញរបស់យើង Software Development ដែលអាចជួយអ្នកក្នុងការរៀនជំនាញដែលកំពុងមានតម្រូវការ ដើម្បីកសាងអាជីពប្រកបដោយភាពជោគជ័យក្នុងផ្នែក IT។
ប្រភព: SETP IT Academic