ស្វែងយល់អំពី CPU
CPU (Central Processing Unit) គឺជាឧបករណ៍មួយដែលសំខាងជាងគេក្នុងចំណោមឧបករណ៍ ផ្សេងៗរបស់កុំព្យូទ័រព្រោះ CPU មាននាទីជាខួរក្បាលរបស់កុំព្យូទ័រ រាល់ដំណើរការអ្វីមួយត្រូវឆ្លងកាត់ CPU ជាអ្នកវិភាគ ។ ជាទូទៅនៅក្នុងកុំព្យូទ័រធម្មតាមាន CPU តែមួយទេ ប៉ុន្តែចំពោះកុំព្យូទ័រ Server អាចមាន CPU ចាប់ពីរឡើងទៅ ។ CPU មានរាងជា Chips សំបែតមួយស្ថិតនៅលើ Mainboard ក្នុង System Unite ហើយនៅលើ CPU មានឧបករណ៍ពីរគឺ Heatsink និងកង្ហារ (Fan) សម្រាប់រក្សាសីតុណ្ហភាពរបស់ CPU ព្រោះនៅពេលកុំព្យូទ័រធ្វើការច្រើនអាចបណ្តាលឲ្យ CPU មានកម្ដៅក្តៅ ។
CPU Heatsink និង Fan
ល្បឿនរបស់ CPU ជាទូទៅគិតជា MHz (megahertz) និង GHz (gigahertz) ហើយប្រសិនបើ CPU របស់លោកអ្នកមានល្បឿន 900MHz មានន័យថា CPU អាចធ្វើការ 900000 ជុំក្នុងមួយវិនាទី ។
CPU cache គឺជាទំហំ Memory ដ៏តូចស្ថិតនៅក្នុង CPU ដែលធ្វើការយ៉ាងលឿន ហើយរាល់ដំណើរការរបស់ CPU គឺទាក់ទង់ទៅនឹង CPU cache ។ នៅពេល CPU រវល់នឹងការងារច្រើន CPU cache ជាអ្នកចងចាំនូវការងារទាំងនោះ ហើយបញ្ចូនទៅឲ្យ CPU ដើម្បីធ្វើការតាមលំដាប់លំដោយ ។
បច្ចុប្បន្ននេះមាន CPU ពីរប្រភេទសម្រាប់ computer desktop គឺ Intel និង AMD ដែលជាក្រុមហ៊ុនដែលផលិត CPU ធំជាងគេ ហើយនៅក្នុងក្រុមហ៊ុននីមួយៗមាន CPU ច្រើនប្រភេទ និងជំនាន់ផ្សេងគ្នា ។ សម្រាប់ Intel នាពេលបច្ចុប្បន្ននេះមានផលិតផល CPU ជាច្រើនប្រភេទដូចជា Intel® Core Processors Family, Intel Pentium® Processors, Intel Celeron® Processors, Intel® Xeon Processors, Itanium® Processors, Intel® Centrino® Processor ហើយនៅក្នុងប្រភេទនិមួយមានលក្ខណពិសេលនិងជំនាញផ្សេង ទៅតាមតម្រូវការរបស់លោកអ្នក ។
Intel® Core Processors Family:
Intel Core Processors Family ជាប្រភេទ CPU ថ្មីបំផុតរបស់ក្រុមហ៊ុន Intel ហើយ CPU ប្រភេទនេះបានបង្កើតឡើត ដោយប្រើបចេ្ចកវិទ្យា 45nm ដែលធ្វើឲ្យប្រសើរឡើងនូវដំណើរការ (performance) ។ នៅក្នុង Intel® Core Processors Family មានដូចជា Intel® Core™2 Extreme processor, Intel® Core™2 Quad processor, Intel® Core™2 Duo processor:
- Intel® Core™2 Extreme processor: ជាប្រភេទ CPU សម្រាប់ប្រើលើតម្រូវការផែ្នកខាង Graphic ដូចជាសម្រាប់ប្រើក្នុងការ Design និងការលេង Game ។
- Intel® Core™2 Quad processor: ជាប្រភេទ CPU សម្រាប់ប្រើលើតំរូការផ្នែកខាង Encoding, Rendering, Editing, Streaming និងការដំណើរការ simultaneous compute-intensive applications ។
- Intel® Core™2 Duo processor: ជាប្រភេទ CPU សម្រាប់ប្រើលើតម្រូវការទូទៅហើយ CPU ប្រភេទនេះបង្កើតឡើងប្រកបដោយថាមពលយ៉ាងខ្លាំងក្លា ដំណើរការបានយ៉ាងល្អ ដែលធ្វើឲ្យកុំព្យូទ័ររបស់លោកអ្នកដំណើរការបានយ៉ាងលឿន ។
Intel Pentium® Processors:
- Intel® Pentium® processor Extreme Edition: ជាប្រភេទ CPU អាចប្រើបានទាំងការងារនិង ការកំសាន្ត ព្រោះ Intel Pentium Processor Extreme Edition សាងឡើងដោយ Suport Hyper-Threading Technology ។
- Intel® Pentium® Dual-Core Processor: ជាប្រភេទ CPU ថ្មីបំផុតរបស់ Intel Pentium Family ដែលបង្កើតឡើងជាមួយនឹង dual-core processor technology ធ្វើឲ្យកុំព្យូទ័ររបស់អ្នកដំណើរការក្នុងកម្រិតមួយយ៉ាងខ្ពស់ ហើយសម្រាប់ប្រើចំពោះការងារប្រចាំថ្ងៃទូទៅ ការងារក្នុងការិយាល័យ ស្តាប់ចម្រៀង រឺ កែរូបភាពផ្សេងៗ ។
- Intel® Pentium® D processor: ជាប្រភេទ CPU សម្រាប់ប្រើប្រាស់លើតម្រូវការ បើកច្រើនកម្មវិធី ក្នុងពេលតែមួយ និង សម្រាប់ក្នុងការ Remote Access ដូចជានៅពេលដែលលោកអ្នកកំពុងបើកកម្មវិធី Edit video, Edit Photographic និង download ហើយមានម្នាក់ទៀតបាន Remote access មកកុំព្យូទ័ររបស់អ្នក ហើយប្រើប្រាស់ CR-Rom ។
- Intel® Pentium® 4 processor Extreme Edition supporting Hyper-Threading Technology: ជាប្រភេទ CPU ថ្មីរបស់ Intel Pentium 4 Processor ហើយបង្កើតឡើងសម្រាប់ប្រើជាមួយកម្មវិធីដែលមានដំណើរការខ្ពស់ ។
- Intel® Pentium® 4 processor supporting Hyper-Threading Technology: ជាប្រភេទ CPU សម្រាប់ប្រើជាមួយនឹងការងារមួយចំនួនដូចជា image processing, video content creation, games និង multimedia ។
Intel Celeron® Processors:
- Intel® Celeron® Processor: ជាប្រភេទ CPU ដែលបង្កើតឡើង សម្រាប់ប្រើកុំព្យូទ័រធុនតូចហើយមានតម្រូវការទាប និងសម្រាប់នៅក្នុងផ្ទះ ថ្នាក់រៀន ការិយាល័យជាដើម ។
- Intel® Celeron® Dual-Core processor: ជាប្រភេទ CPU សម្រាប់ប្រើប្រាស់ច្រើនកម្មវិធីក្នុងពេលតែមួយហើយ CPU ប្រភេទនេះសម្រាប់ការងារ ប្រចាំថ្ងៃទូទៅ និងសម្រាប់ប្រើនៅក្នុងផ្ទះ ថ្នាក់រៀន ការរិយាល័យ ។
Intel® Centrino® Processor :
Intel Centrino Processor ជាប្រភេទ CPU ដែលបង្កើតឡើតសម្រាប់តែ Laptop ហើយ Intel Centrino Processor ផ្ដល់នូវគុណសម្បត្តិជាច្រើន ។ នៅក្នុងប្រភេទ Intel Centrino Processor មានច្រើនដូចជា Intel® Centrino® 2 with vPro™ technology,
- Intel® Centrino® 2 with vPro™ technology: ជាប្រភេទ CPU ល្អបំផុតសម្រាប់ប្រើប្រាស់ក្នុងមុខជំនួញ ហើយអាចធ្វើឲ្យដំណើរការ laptop ប្រសើឡើង បង្កើនល្បឿន Wireless បានប្រាំដង ថ្មប្រើបានយូរព្រោះ CPU ប្រភេទនេះបង្កើតឡើងជាមួយនឹង hafnium-based 45nm Intel® processor technology និងបច្ចេកវិទ្យានៃការសន្សំថាមពលដែលមានតែមួយគត់ ។
- Intel® Centrino® with vPro™ Technology: ជាប្រភេទ CPU សម្រាប់ប្រើក្នុងការ remote PC monitoring ហើយអាចបើកកម្មវិធីបានច្រើនក្នុងពេលតែមួយ ថ្មប្រើបានយូរ បង្កើនល្បឿន Wireless បានរហូតប្រាំដង ។
- Intel® Centrino® 2 processor technology: ជាប្រភេទ CPU ដែលអាចប្រើសម្រាប់ hi-def multimedia, games និងកម្មវិធី graphics ហើយថ្មប្រើបានយូរ បង្កើនល្បឿន Wireless បានរហូតប្រាំដង ។
*** ដកស្រង់ចេញពីទស្សនាវដ្ដីអាន-ANT ច្បាប់ទី ០៣ ប្រចាំខែ កញ្ញា ឆ្នាំ ២០០៨
