តើអ្វីទៅគឺជា Internet of Things (IoT)?
Internet of Things (IoT)បានក្លាយជាប្រធានបទមួយដែលកំពុងតែមានការជជែកពិភាក្សាគ្នាទាំងក្នុងកន្លែងធ្វើការនិងក្រៅកន្លែងធ្វើការ។ វាគឺជាគំនិតមួយដែលមិនត្រឹមតែមានឥទ្ធិពលទៅលើរបៀបរស់នៅរបស់អ្នកនោះទេ តែថែមទាំងមានឥទ្ធិពលទៅលើរបៀបនៃការធ្វើការរបស់អ្នកថែមទៀតផង។ តើអ្វីទៅគឺជា Internet of Things? តើវាមានឥទ្ធិពលអ្វីខ្លះទៅលើអ្នក?
តើ Internet of Things គឺជាអ្វី? ដើម្បីឲ្យងាយយល់ គំនិតមួយនេះគឺនិយាយអំពីការភ្ជាប់ទំនាក់ទំនងឧបករណ៍ផ្សេងៗទៅកាន់អិនធឺណេត។ វារួមបញ្ចូលទាំងអ្វីៗទាំងអស់រាប់ចាប់តាំងពីទូរស័ព្ទដៃ ម៉ាស៊ីនឆុងកាហ្វេ ម៉ាស៊ីនបោកសម្លៀកបំពាក់ កាសស្ដាប់ត្រចៀក អំពូលភ្លើង និងឧបករណ៍ផ្សេងៗជាច្រើនទៀតដែលប្រើប្រាស់ក្នុងផ្ទះ ឬការិយាល័យ។ ជាសរុបទៅ Internet of Things គឺជាបណ្ដាញទំនាក់ទំនងដ៏ធំមួយនូវអ្វីៗគ្រប់យ៉ាង។ ទំនាក់ទំនងរវាងមនុស្សនឹងមនុស្ស មនុស្សនឹងវត្ថុផ្សេងៗ និងវត្ថុនឹងវត្ថុ។
តើ Internet of Things មានឥទ្ធិពលលើអ្នកដោយរបៀបណា? ច្បាប់ថ្មីនាថ្ងៃអនាគតគឺ «អ្វីៗគ្រប់យ៉ាងសុទ្ធដែលអាចភ្ជាប់ទំនាក់ទំនងគ្នាបាន» នឹងត្រូវភ្ជាប់ទំនាក់ទំនងគ្នាទៅវិញទៅមក។ ហេតុអ្វីអ្នកចង់ឲ្យឧបករណ៍ទាំងឡាយភ្ជាប់ទំនាក់ទំនងគ្នាបាន? ឧទាហរណ៍ អ្នកកំពុងជិះរថយន្តទៅចូលរួមការប្រជុំ ហើយឡានរបស់អ្នកមានភ្ជាប់ទៅនឹងប្រតិទិននិងផែនទីបង្ហាញផ្លូវ។ ប្រសិនបើចរាចរណ៍មានការកកស្ទះ ឡានរបស់អ្នកនឹងបញ្ចូនសារទៅកាន់អង្គប្រជុំរបស់អ្នកឲ្យដឹងថា អ្នកនឹងមានការយឺតយ៉ាវក្នុងការចូលរួមប្រជុំ។
ចុះប្រសិនបើនាឡិការោទ៍ដាស់អ្នកឲ្យងើបនូវម៉ោង៦ព្រឹក និងប្រាប់ទៅដល់ម៉ាស៊ីនឆុងកាហ្វេឲ្យចាប់ផ្ដើមឆុងកាហ្វេសម្រាប់អ្នក។ ចុះប្រសិនបើសម្ភារៈការិយាល័យរបស់អ្នកដឹងថាពេលណានឹងអស់ហើយធ្វើការកម្មង់បន្ថែម? ចុះបើសិនឧបករណ៍ដែលអ្នកប្រើប្រាស់លើខ្លួនដែលអ្នកប្រើប្រាស់ក្នុងកន្លែងធ្វើការអាចប្រាប់អ្នកនៅពេលណាឬកន្លែងណាអ្នកធ្វើការមានភាពសកម្ម និងប្រសិទ្ធភាពការងារ ហើយចែករំលែកនូវព័ត៌មានជាមួយឧបករណ៍ផ្សេងៗដែលអ្នកប្រើប្រាស់ពេលកំពុងធ្វើការ?
Internet of Things (IoT) អាចយកទៅអនុវត្តទៅលើអ្វីផ្សេងៗដូចជា ប្រព័ន្ធដឹកជញ្ចូន ក្នុងទីក្រុងតូច ដែលអាចជួយអ្នកកាត់បន្ថយនិងបង្កើនប្រសិទ្ធភាពទៅលើការប្រើប្រាស់ថាមពល។ វាជួយបង្កើននូវរបៀបដែលអ្នកធ្វើការនិងរស់នៅ។ ប្រភព៖ forbes.com សុវត្តិភាពគឺជាបញ្ហាដ៏ធំចម្បង។ ជាមួយនឹងឧបករណ៍ភ្ជាប់ទំនាក់ទំនងជាច្រើនលានគ្រឿង បញ្ហានោះគឺ មនុស្សត្រូវធ្វើយ៉ាងម៉េចដើម្បីធានាថាព័ត៌មានរបស់ពួកគេមានសុវត្តិភាព។ IOT ជាផងដែរអាចធ្វើឲ្យក្រុមហ៊ុនជាច្រើនជុំវិញពិភពលោកមានសុវត្តិភាពពីការកំរាមកំហែងពីការលួចយកទិន្នន័យ។
ការពិភាក្សាគ្នាអំពី Internet of Things អស់រយៈពេលជាច្រើនឆ្នាំមកនេះ ខណៈពេលដែលមនុស្សជាច្រើនចង់ស្វែងយល់អំពីឥទ្ធិពលលើការរស់នៅរបស់អ្នក។ យើងកំពុងតែព្យាយាមស្វែងយល់អំពីឱកាសនិងបញ្ហាប្រឈមនៅពេលដែលឧបករណ៍ជាច្រើនត្រូវភ្ជាប់ទៅ Internet of Things។ ឥឡូវនេះ រឿងដែលយើងត្រូវធ្វើគឺស្វែងយល់បន្ថែមអំពីអ្វីទៅ Internet of Things និងឥទ្ធិពលទៅលើការធ្វើការងារនិងការរស់នៅរបស់អ្នក៕
អ្វីទៅជា IoT?
IoT មានពាក្យពេញថា Internet of Things ដែលប្រព័ន្ធរបស់កុំព្យូទ័រ ឫប្រព័ន្ធឌីជីថល ឫឧបករណ៍ទាំងឡាយណាដែលបញ្ជូនទិន្ន័យតាមរយៈអិនធើណែត។ ប្រព័ន្ធ IoT ជាដំណើរប្រតិបត្តិការរវាងម៉ាស៊ីនទៅហ្នឹងម៉ាស៊ីនតាមរយៈប្រព័ន្ធអិនធើណែតដោយមិនចាំបាច់ការតភ្ជាប់ពីមនុស្ស។
មួយក្នុងចំណោមគម្រោងដំបូងបង្អស់របស់ IoT គឺម៉ាស៊ីនលក់កូកាកូឡាមួយនៅសាកលវិទ្យាល័យ Carnegie Mellon University នៅក្នុងកំឡុងឆ្នាំ ១៩៨០។ គេប្រើប្រាស់វែបសាយដើម្បីឆែកមើលថាតើមានភេសជ្ចៈនៅក្នុងម៉ាស៊ីនសម្រាប់លក់ឫទេ ដើម្បីងាយស្រួលដឹងថាត្រូវទៅដាក់បន្ថែមនៅពេលណា ដោយមិនចំណាយពេលទៅជាប្រចាំហើយមិនចាំបាច់ដាក់បន្ថែម។
បើនិយាយឲ្យងាយយល់ IoT អាចមើលពីពត៌មាន ឫបញ្ចារទៅអ្វីមួយពីគ្រប់ទីកន្លែងលើពិភពលោកឲ្យតែមានអ៊ិនធើណែតប្រើប្រាស់បាន ដោយសារតែពត៌មានទាំងអស់ត្រូវបញ្ជូនពីឧបករណ៍ទៅកាន់អង្គផ្ទុកទិន្ន័យលើអ៊ីធើណែត(Cloud Storage) ដែលអាចអោយទាញយកពីគ្រប់ឧបករណ៍ចល័តដូចជាទូរស័ព្ទ កុំព្យូទ័រ ដែលអនុញ្ញាតអោយចូលទៅកាន់ទិន្ន័យបានដោយអ្នកបង្កើត។
គុណសម្បត្តិរបស់ IoT:
១. អាចដឹងពីស្ថានភាពនៃប្រព័ន្ធដែលកំពុងដំណើរការគ្រប់ពេលវេលា គ្រប់ទីកន្លែង។
២. ចំនេញពេលវេលា និងថវិការ។
៣. ប្រព័ន្ធដំណើរការទទួលបានប្រសិទ្ធភាពជាងមុន។
៤. តាមដានពីដំណើរការបានលម្អិតជាងមុន។
គុណវិបត្តិរបស់ IoT:
១. ត្រូវការប្រព័ន្ធសន្តិសុខ(security)ខ្ពស់ ព្រោះបើមាន hacker អាចជ្រៀតចូលទៅក្នុងប្រព័ន្ធបាននឹងអាចមានបញ្ហាធំនិងខាតបង់ច្រើន។
២. ប្រឈមមុខនឹងមានបញ្ហាក្នុងករណីប្រព័ន្ធមានភាពសាំញាំខណៈពេលអ៊ិធើណែតនៅមានកម្រិត។
៣. ការកាត់បន្ថយបុគ្កលិកធ្វើការដោយសារតែអាចគ្រប់គ្រងពីចម្ងាយបាន នឹងធ្វើអោយមានភាពអត់ការងារធ្វើការច្រើន។
