ចង់រៀន IT តើត្រូវមានមូលដ្ឋានគ្រឹះអ្វីខ្លះ?
សិក្សាមុខជំនាញ #បច្ចេកវិទ្យាព័ត៌មាន #IT ត្រូវមានចំណោះដឹងមុនវិជ្ជា (១)គណិតវិទ្យា – Mathematics (២)ភាសាអង់គ្លេស (English) និង (៣) ពូកែការសិក្សាជ្រាវស្រាវជ្រាវ – Research ច្រើនទើបជាការប្រសើរ។ ជំនាញ បច្ចេកវិទ្យាព័ត៌មាន នេះដែរចេញមកពីពាក្យពេញថា Information Technology (IT) សំដៅទៅលើផ្នែកបច្ចេកវិទ្យាកុំព្យូទ័រ ការប្រើប្រាស់ប្រព័ន្ធអុីនធឺណិត ប្រើប្រាស់បណ្ដាញសង្គម – Social media។
ជំនាញ បច្ចេកវិទ្យាព័ត៌មាន នេះដែរត្រូវបានចែកជាមុខវិជ្ជាជំនាញគោល៥ផ្នែកធំៗដូចខាងក្រោម៖
១. ផ្នែក Network Engineering៖ គឺផ្ដោតសំខាន់ទៅលើមេរៀនដែលពាក់ព័ន្ធទៅនឹងការតបណ្ដាញNetwork និងការកំណត់ប្រព័ន្ធសុវត្ថិភាពទៅលើបណ្ដាញ ជួសជុលនិងលំហែទាំកុំព្យូទ័រ។
២. ផ្នែក Software Development ៖ គឺសិក្សាអំពីការសរសេរកម្មវិធីដោយប្រើប្រាស់ភាសា C# និង C++ រួមមានភាសាជាច្រើនដែលវាអាចប្រើសម្រាប់សរសេរកម្មវិធីទូរសព្ទ កម្មវិធីកុំព្យូទ័រ និងបង្កើតជាកម្មវិធីគ្រប់គ្រងក្រុមហ៊ុន ឬស្ថាប័ននានា។
៣. ផ្នែក Web Design៖ គឺនិយាយពីការបង្កើតនិងរចនាគេហទំព័រ វេបសាយសម្រាប់កម្សាន្ត និងប្រកបរបរអាជីវកម្មផ្សេងៗ ត្រូវបានបង្កើតឡើងដោយប្រើភាសាសរសេរកូដHTML និង PHP ជាដើម។
៤. ផ្នែក IT Management៖ គឺការគ្រប់គ្រងមុខជំនួញដោយប្រើប្រាស់ប្រព័ន្ធ ITផ្ទាល់ហើយមុខវិជ្ជានេះគឺល្អសម្រាប់និស្សិតណាមានគំនិតដែលប្រកបដោយយុទ្ធសាស្ត្រក្នុងការគ្រប់គ្រងប្រព័ន្ធការងារ បុគ្គលិក ជាពិសេសដំណើរការប្រចាំថ្ងៃរបស់ក្រុមហ៊ុនជាដើម។
៥. ផ្នែក Database Management៖ គឺបង្រៀនពីការគ្រប់គ្រងព័ត៌មានរបស់ទិន្នន័យណាមួយអោយមានភាពងាយស្រួលនិងមានរបៀបរៀបរយគួបផ្សំនិងសុវត្ថិភាពផងដែរ ផ្នែកជាផ្នែកមួយដ៏សំខាន់ និងត្រូវចំណេះដឹងខ្ពស់ពីប្រព័ន្ធសុវត្ថិភាពផងដែរ។
ការសិក្សាចាប់ពីឆ្នាំទី១ដល់ឆ្នាំទី៤ ការសិក្សាមានលក្ខណៈច្របល់ចូលគ្នាទាំងអស់ ដោយឡែកប្រសិនបើសិស្សម្នាក់ណាពេញចិត្តនឹងមុខវិជ្ជាណាមួយគេអាចផ្ដោតសំខាន់ទៅលើមុខវិជ្ជានោះបាន ធ្វើយ៉ាងណាកុំឲ្យតែធ្លាក់មុខវិជ្ជាដទៃទៀតទៅ។
ពេលនិស្សិត IT សិក្សាចាប់ពីឆ្នាំទី១ -៤ នឹងទទួលបាន៖
» ចំណេះដឹងលើការបង្កើតកម្មវិធីអនុវត្តក្នុងកុំព្យូទ័រមានដូចជា (Windows Application) ៖ ប្រព័ន្ធគ្រប់គ្រងការលក់ទំនិញតាម Supper Market ប្រព័ន្ធគ្រប់គ្រងបុគ្គលិក ប្រព័ន្ធគ្រប់គ្រងប្រតិបត្តិការរបស់ធនាគារ។ល។
» ចំណេះដឹងលើការបង្កើតកម្មវិធីតាមគេហទំព័រ (Web Application) ៖ ចេះបង្កើតវេបសាយ សម្រាប់ធ្វើការគ្រប់គ្រង ផ្សព្វផ្សាយព័ត៌មាន និងអាចធ្វើអាជីវកម្មតាមបណ្តាញអ៊ីនធឺណែតបាន។ល។
» ចំណេះដឹងលើការបង្កើតកម្មវិធីស្មាតហ្វូន (Mobile Application) ៖ ចេះបង្កើតកម្មវិធីដាក់នៅលើទូរស័ព្ទ សម្រាប់ធ្វើការគ្រប់គ្រង ផ្សព្វផ្សាយព័ត៌មាន និងអាចធ្វើអាជីវកម្មតាម ឧបករណ៏ទូរស័ព្ទរបស់យើងបាន។ល។
» ចំណេះដឹងលើការតម្លើង គ្រប់គ្រងបច្ចេកវិទ្យាបណ្តាញ និងទូរគមនាគមន៍ព័ត៌មានវិទ្យា (Network and Telecommunication) ៖ ចេះតំឡើង គ្រប់គ្រង និងប្រើប្រាស់ឧបករណ៍ Cisco Switch, Router Huawei Switch, Router and Computer Sever សម្រាប់តបណ្តាញកុំព្យូរទ័រជាច្រើនឲ្យមានទំនាក់ទំនងគ្នាទាំងក្នុងតំបន់ និងទូទាំងប្រទេស។ល។
» ចំណេះដឹងលើរចនាបណ្តាញកុំព្យូទ័រ (Network Design) ៖ យល់ដឹងការគូស និងរៀបចំប្លង់ មុនពេលតម្លើងបណ្តាញកុំព្យូទ័រ បានច្បាស់លាស់ដើម្បីជៀសផុតពីការចំណាញថវិការខ្ជះខ្ជាយ នៅពេលតម្លើងខុសបច្ចេកទេស។
» ចំណេះដឹងលើការវិភាគ និងកសាងប្រព័ន្ធ (System Analysis and Design) ៖ ក្លាយជាអ្នកវិភាគ និងកសាងប្រព័ន្ធសម្រាប់គ្រប់គ្រង តាមអង្គការ ក្រុមហ៊ុន ទាំងស្ថាប័ន្ថរដ្ឋ និងឯកជន។
» ចំណេះដឹងលើប្រព័ន្ធសុវត្ថិភាពទិន្នន័យ (Cyber Security) ៖ យល់ដឹងពីច្បាប់បច្ចេកវិទ្យា ចេះតម្លើង និងគ្រប់គ្រងលើសុវត្ថិភាពទិន្នន័យនៅតាមគ្រប់ស្ថាប័នរដ្ឋ និងឯកជន។ល។
» ចំណេះដឹងលើប្រព័ន្ធគ្រប់គ្រងទិន្នន័យ (Senior Backend Developer) ៖ ចេះប្រើប្រាស់កម្មវិធីសម្រាប់រក្សាទុកទិន្នន័យ, ទាញទិន្នន័យ និងដំណើរការទិន្នន័យទៅតាមតម្រូវការរបស់ក្រុមហ៊ុន ព្រមទាំងស្ថាប័ន្ថរដ្ឋ។
» ចំណេះដឹងលើការតម្លើង ជួសជុល និងថែទាំកុំព្យូទ័រ (Computer Repair and Maintenance) ៖ ស្វែងយល់ពីគ្រឿងផ្សំរបស់កុំព្យូទ័រ ព្រមទាំងវិធីសាស្ត្រតម្លើង និងថែទាំឲ្យកុំព្យូទ័រដំណើរការបានល្អ និងមានសុវត្ថិភាពខ្ពស់។
» ចំណេះដឹងលើការរចនាក្រាហ្វិក (Graphic Design) ៖ ចេះរចនារូបភាពអោយមានសោភ័ណ្ឌភាព, បង្កើតជាប្លង់ផ្សាយពាណិជ្ជកម្ម, ឬផ្សព្វផ្សាយផលិតផល និងអាចយករូបភាពទៅប្រើប្រាស់សម្រាប់ជាប្រយោជន៍ផ្សេងៗទៀតនៅក្នុងវិស័យបច្ចេកវិទ្យា។
» នឹងមានឱកាសអភិវឌ្ឍន៍ចំណេះដឹងរបស់ខ្លួនជាច្រើនបន្ថែមទៀតតាមរយៈការចូលរួមសិក្ខាសាលាជាតិ និងអន្តរជាតិ។
isophal.com
🎁 ការចុះឈ្មោះចូលរៀនវគ្គទី១ សិស្ស និស្សិត អ្នកសិក្សា នឹងទទួលបានអាហារូបករណ៍២៥% 🗓 ផតកំណត់ថ្ងៃទី៣១ មករា ២០២៣ » ចូលរៀន វគ្គទី១ នៅថ្ងៃទី៩ ខែមករា ឆ្នាំ២០២៣ (វេនចន្ទ-សុក្រ) » ចូលរៀន ថ្ងៃទី១៤ ១៥ ខែមករា ឆ្នាំ២០២៣ (វេនសៅរ៍-អាទិត្យ)ទីតាំងកណ្តាលរាជធានីភ្នំពេញអគារ A និង B ផ្លូវ១០០៣ កែងផ្លូវ១៩៨៨ និងផ្លូវ១៩៩២ ភូមិ/សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញសូមទាក់ទាងទូរស័ព្ទលេខ 👉
☎️023 987 700
☎️012 682 777
☎️015 682 777
📍ទីតាង: https://goo.gl/maps/k9MtBUspHLKeFpqq9🧾 Register Online: https://bit.ly/3dxAMWL
