ការសរសេរកម្មវិធី សំដៅលើ ការគិតបែបគណនា ហើយដូច្នេះត្រូវបានភ្ជាប់យ៉ាងជិតស្និទ្ធជាមួយការរចនានិងការអភិវឌ្ឍន៍សូហ្វវែរ ដែលមានគោលបំណងដោះស្រាយបញ្ហាផ្សេងៗនិងកែលម្អជីវិតរស់នៅប្រចាំថ្ងៃដោយធ្វើឱ្យវាកាន់តែឆ្លាត។
ហេតុអ្វីបានជាអ្នករៀនសរសេរកូដ (Code) ?
មកដល់សព្វថ្ងៃកុំព្យូទ័រ ក៏ដូចជាស្មាតហ្វូន កំពុងតែបានជួយដោះស្រាយបញ្ហាទាំងឡាយនៅ ក្នុងជីវិតរស់នៅរបស់មនុស្សលោកក្នុងគ្រប់វិស័យ។ អ្វីទាំងអស់ដែលកុំព្យូទ័រ ព្រមទាំងស្មាតហ្វូនអាចធ្វើ ការងារទាំងនោះបានគឺអាស្រ័យដោយ Software ដូចអ្នកបានដឹងហើយក្នុងផ្នែកមុននេះគឺ Software ប្រៀបដូចជាវិញ្ញាណ និងព្រលឹងរបស់កុំព្យូទ័រ ហើយ Software ទាំងនោះកើតឡើងអាស្រ័យដោយ មនុស្សជាអ្នកសរសេរកូដ ។
តើហេតុអ្វីមហាវិទ្យាល័យ ឬ សាកលវិទ្យាល័យ ផ្នែក IT បង្រៀនភាសា C និង C++ ជាដំបូងគេ?
ប្អូនៗត្រូវដឹងថាការសិក្សាផ្នែកព័ត៌មានវិទ្យា វាចាំបាច់ណាស់ ត្រូវមានការស្វែងយល់ឲ្យបានច្រើនអំពីភាសា Programming (Computer Programming Language) បើពុំនោះសោទវានឹងនាំឲ្យអ្នក ក្លាយជាអ្នកបរាជ័យក្នុងឱកាសការងារសម្រាប់ផ្នែកព័ត៌មានវិទ្យានេះ ហើយលោកអ្នកក៏ត្រូវដឹងថាការសិក្សា សម្រាប់រយៈពេល៤ឆ្នាំ មិនមែនចេះត្រឹមតែដំឡើង Software (setup) Windows, Microsoft Offices, Games, ឬ Antivirus នោះទេ…
សម្រាប់ប្អូនៗដែលកំពុងរៀននៅតាមមហាវិទ្យាល័យនានាផ្នែក IT (Computer Science) ប្អូនៗត្រូវដឹងថាភាសាកម្មវិធី (Programming Language) ដែលប្អូនត្រូវយកចិត្តទុកដាក់បំផុតជាដំបូងនោះគឺភាសា C++ ដែលប្អូនរៀនក្នុងឆ្នាំដំបូងនៃផ្នែក IT ហេតុអ្វី ?
ហេតុអ្វីបានជាយើងរៀនភាសា C Programming
C ឬ C++ ជា Programming Language ដែលសរសេរ សំរាប់បង្កើត កម្មវិធីដំណើរការលើកុំព្យូទ័រដ៏មានប្រសិទ្ធិភាព ដែលអនុញ្ញាតអោយ កុំព្រូទ័រ ធ្វើមួយជាក់លាក់និងត្រឹមត្រូវ ។
C programming ជាភាសាកុំព្យូទ័រមួយដែលត្រូវការ Compile នេះជាលក្ខណះមួយប្រសើរជាងភាសា Basic។ C ជាភាសាមួយមានលក្ខណះងាយស្រួលយល់ និង ជាភាសាស្តង់ដា ដែលអាចអោយអ្នកសិក្សាឈានទៅសិក្សាភាសាផ្សេងៗទៀតបានយ៉ាងងាយ ដូចជា: C++, Visual C++, Java…
អ្វីទៅដែលហៅថា Programming Language ?
• Programming language គឺជាភាសាពិសេសមួយដែលត្រូវបានចេះ និងប្រើប្រាស់ដោយអ្នក សរសេរកម្មវិធី ឬអ្នកបង្កើត programs ។ អ្នកក៏ត្រូវដឹងថា programming ក៏ជាកម្មវិធីរបស់កុំព្យូទ័រផងដែរ គឺមានន័យថាអ្នកត្រូវតែដំឡើងវាទៅកាន់កុំព្យូទ័រ មុននឹងអ្នកអាចប្រើប្រាស់វា ដើម្បីសរសេរកូដ ឬបង្កើត កូដ ហៅថា source code ។
•Programmers ប្រើប្រាស់ Programming language ដើម្បីបង្កើត source code លទ្ធផលនៃការ ធ្វើការរបស់ source code បង្កើតបានជា Software ឬ Program ក្នុងគោលបំណងបញ្ជាទៅកាន់កុំព្យូទ័រ ឬស្មាតហ្វូនឲ្យធ្វើ ឬដោះស្រាយបញ្ហាអ្វីមួយ ។ Programming languages នីមួយៗអាចមានលទ្ធភាព ពិសេស ដើម្បីបញ្ជារទៅកាន់គ្រឿងអេឡិកត្រូនិករបស់កុំព្យូទ័រ ឬស្មាតហ្វូនបានក៏អាស្រ័យដោយ programming languages ទាំងនោះមានអ្នកបកប្រែរបស់ខ្លួនទៅកាន់ភាសាមួយផ្សេងទៀតដែល កុំព្យូទ័រចេះ ។
♦ ភាសា C++ ជាភាសាដំបូងដែលនាំឲ្យប្អូនបានចាប់ផ្ដើមស្គាល់ពីអ្វីដែលហៅថា Classes, Collections, generics ដែលជាប្រភពនៃការបង្កើត Objects ហើយវាត្រូវបានអនុវត្តន៍យ៉ាងពេញលេញជាមួយនឹងភាសាកម្រិតខ្ពស់ដូចជា C#, Java, F#, Objective-C, PHP, Swift, Kotlin… ។ កាលណាប្អូនមានមូលដ្ឋាន Classes នេះរឹងមាំប្អូនអាចរៀនភាសាប្រភេទ OOP ដែលបាននិយាយខាងលើនេះដោយងាយ ជាពិសេសគឺប្អូនមានលទ្ធភាពអាចបង្កើត Libraries សម្រាប់ភាសាទាំងនេះផងដែរ ។
♦ ភាសា C++ ក៏ជាភាសាមូលដ្ឋានសម្រាប់ប្អូនៗធ្វើការហ្វឹកហាត់ អត់ធ្មត់ជាមួយនឹងការសរសេរកូដដ៏ច្រើន ដើម្បីបង្កើតកម្មវិធីនីមួយៗ (ត្រូវចាំថាអ្នក Programmer គឺមានភាពអត់ធ្មត់ និង ការតស៊ូ ដើម្បីអាចសម្រេចលើគោលបំណង និងមហិច្ឆិតារបស់ខ្លួនបាន ។
♦ ភាសា C++ ជាមូលដ្ឋានដែលប្អូនៗបានស្វែងយល់ពីអ្វីដែលហៅថា Algorithm (មានសិស្សជាច្រើននៅមានភាពមិនច្បាស់លាស់ពីអ្វីដែលហៅថា Algorithm វាជាការងាយយល់ទេ វិធីសាស្រ្តនិងដំណាក់កាលជាជំហ៊ានៗដែលប្អូនៗយកមកដោះស្រាយបញ្ហាណាមួយហើយទទួលបានជោគជ័យដូចបំណងនោះហើយហៅថា Algorithm ត្រូវចាំថាការដោះស្រាយបញ្ហាមួយវានឹងមាន Algorithms ច្រើនអាចយកមកប្រើបាន) ។
♦ ភាសា C++ ជាមូលដ្ឋានដែលបង្រៀនប្អូនឲ្យស្គាល់ពីអ្វីដែលហៅថា Data Structure ដោយប្អូននឹងរៀនពី Arrays, Pointer, LinkList, Stack, Queu… ដែលជាវិធីនៃការគ្រប់គ្រងទិន្នន័យបែបលក្ខណៈ flat មួយមុននឹងប្អូនៗឈានទៅរកការសិក្សាអំពី Database Management ,Generics, Collections,LAMDA, LINQ នៅក្នុង C# ឬ Java
♦ ភាសា C++ នឹងនាំឲ្យប្អូនៗបានយល់ពីអ្វីដែលហៅថា Control Structure ក្នុងការធ្វើឲ្យកម្មវិធីដែលប្អូនបានបង្កើតអាចធ្វើអ្វីមួយតាមតម្រូវការ ។ ពេលដែលប្អូនៗសិក្សាពី Control Structure ប្អូននឹងដឹងថាអ្វីទៅដែលហៅថា Expression និង Logic (ដែលប្អូនបានរៀនក្នុងគណិតវិទ្យាដូចជា តក្កវិទ្យា និង សំនុំជាដើម) ។
ជាសង្ខេបកាលណាប្អូនៗមានកាលណាប្អូនៗមានមូលដ្ឋានភាសា C++ រឹងមាំប្អូនៗនឹងអាចរៀនភាសាកម្រិត High Level ដូចជា C#, Java, PHP, Swift, Kotlin ឬការស្រាវជ្រាវភាសាកូដដទៃទៀតបានយ៉ាងងាយ ។
