អំពីកុំព្យូទ័រ ► អត្ថប្រយោជន័កុំព្យូទ័រ

ពាក្យថា Computer មកពីពាក្យថា Compute ដែលមានន័យថា គណនា Calculate ដូចនេះ ម៉ាស៊ីន កុំព្យូទ័រជា ឧបករណ៍មួយសំរាប់គណនា ។ ក្រោយ មកដោយសារមានការអភិវឌ្ឍន៍ និង ឆ្នៃ ប្រឌិត កុំព្យូទ័រអាចជួយធ្វើការមនុស្ស បានជាង៩០ % ។ សរុបសេចក្តីមកវិញ ពាក្យថា Computer នេះគឺមានន័យថាវាជា ម៉ាស៊ីន ដែលមានតួនាទីក្នុង ការគណនា ការគ្រប់គ្រង ការស្វែងរក និងដំណើរការទិន្នន័យ។

អត្ថប្រយោជន័កុំព្យូទ័រ

• វាយអត្ថបទ ធ្វើរបាយការណ៍ និងគណនាផ្សេងៗ
• គូសប្លង់ (ប្លង់ដី អគារ) គូសផែនទី
• គ្រប់គ្រង ធ្វើសិ្ថតិ វិភាគ និងព្យាករណ៍ទិន្នន័យ
• រក្សាទុកឯកសារដោយសុវត្ថិភាព
• ធ្វើឲ្យមនុស្សទូទាំងពិភពលោកអាចទំនាក់ទំនងគ្នាបាន
• លេងល្បែងកម្សាន្ត (Gaming) ជជែកកម្សាន្ត (Chatting) …
• ជាពិសេសគឺជួយជំរុញការការងារផ្សេងៗរបស់យើងបានយ៉ាងលឿន

អត្ថប្រយោជន៍នៃ Computer ធ្វើឲ្យសកលលោកមានការរីកចម្រើនឆាប់រហ័ស។

• ដំណើរការទិន្នន័យធំៗ ក្នុងល្បឿនលឿន….
• គ្រប់គ្រងទិន្នន័យយ៉ាងស្ទាត់ជំនាញ ការស្វែរកទិន្នន័យបានរហ័សទាន់ចិត្ត…
• កាត់បន្ថយពេលវេលាក្នងការស្វែងរកទិន្នន័យ…
• កាត់បន្ថយការកត់ត្រាលើក្រដាស…
• អាចរក្សារទុកទិន្នន័យយ៉ាងច្រើននៅលើ Computer និងកាត់បន្ថយកាកសំណល់…
• ជួយរៀបចំទិន្នន័យ និងស្វែងយល់តាមរយៈព័ត៌មាន…
• អាចភ្ជាប់អ្នកទៅនឹង Internet អាចឲ្យយើងស្វែងរក រូបភាព មេរៀន វិឌីអូ ឯសារ តាម Google, YouTube អាចផ្សព្វផ្សាយ ផលិតផលតាម Internet ដោយតាមរយៈក្រុមហ៊ុនធំៗ

បច្ចុប្បន្នគ្រប់មុខវិជ្ជាទាំងអស់ នៅតាមមហាវិទ្យាល័យ ដូចជា Marketing, Accounting, Human Research, Management, ត្រូវបានផ្សាភ្ជាប់ទៅនឹងបច្ចេកវិទ្យាព័ត៌មានវិទ្យា (Information Technology) ដែលជាតំរូវការចាំបាច់សំរាប់អ្នកសិក្សា។ ដើម្បីការងារទៅអនាគតរបស់ខ្លួនអ្នកដែល សិក្សាលើជំនាញ ផ្សេងៗ គឺត្រូវចេះប្រើប្រាស់កុំព្យូទ័រ ជាពិសេសការសិក្សាកុំព្យូទ័រដែលទាក់ទងទៅនឹងជំនាញរបស់ខ្លួនផ្ទាល់។

ដូចច្នេះការសិក្សាពីវិទ្យាសាស្រ្តកុំព្យូទ័រ គឺវាមានសារៈសំខាន់ណាស់ ក្នុងការបំរើការងារគ្រប់ វិស័យទាំងអស់នៅក្នុងសង្គមជាពិសេសគឺដើម្បីប្រែក្លាយការងារទាំងឡាយដែលមនុស្សយើងធ្លាប់ធ្វើ ដោយដៃឲ្យក្លាយទៅជាការងារដែលអនុវត្តន៍ដោយម៉ាស៊ីនកុំព្យូទ័រ។

សារៈប្រយោជន៍កុំព្យូរទ័រ

សព្វថ្ងៃនេះ Computer ត្រូវបានប្រើប្រាស់សំរាប់គ្រប់ស្ថាប័នរដ្ឋ អង្កការ និង ក្រុមហ៊ុន។ Computer ត្រូវបានប្រើប្រាស់លើវិស័យទាំងអស់ដូចជាៈ

វិស័យអប់រំៈ គេប្រើប្រាស់ Computer ដើម្បីគ្រប់គ្រងបញ្ជីឈ្មោះ សំរងពិន្ទុ…។
វិស័យសុខាភិបាលៈ គេប្រើប្រាស់ Computer ដើម្បីត្រួតពិនិត្យអ្នកជំងឺ ដូចជា ធ្វើតេស្ត ឈាម ពិនិត្យបេះដូង…
វិស័យកសិកម្មៈ គេប្រើប្រាស់ Computer ដើម្បីគ្រប់គ្រងគ្រឿងចក្រ និងផលិតផលគ្រឿងចក្រ…
វិស័យគមនាគមន៍ៈ គេប្រើប្រាស់ Computer ដើម្បីទំនាក់ទំនងគ្នាពីកន្លែងមួយទៅកន្លែងមួយ ពីតំបន់មួយ ទៅតំបន់មួយ…..
វិស័យទេសចរណ៍ៈ គេប្រើប្រាស់ Computer ដើម្បីគ្រប់គ្រងទិន្នន័យដូចជា ការគ្រប់គ្រង ភ្ញៀវទេសចរណ៍ ការគ្រប់គ្រងការលក់សំបុត្រយន្តហោះ មិនតែប៉ុណ្ណោះមកទល់ នឹងបច្ចុប្បន្ន នេះគឺ Computer អាចបង្ហាញព័ត៌មានផ្សេងៗ ការផ្សាយពាណិជ្ជកម្ម ទូរសារទំនាក់ទំនងទូរទាំងសកលលោក បានយ៉ាងរហ័ស និងលឿនបំផុតតាមរយៈប្រព័ន្ធ Internet និង E-mail។