ការថតរូប មិនត្រឹមតែត្រូវការថ្វីដៃ របស់អ្នកថតប៉ុណ្ណោះទេ ថែមទាំងត្រូវការក្បួនផ្សេងៗដែលអ្នកថតពីមុនបានចែងមក ដែលពួកគាត់គិតថាការរបៀបនោះចេញមកស្អាតជាងធម្មតា។ ក្បួនរបស់ការថតរូប មិនមានភាពជាក់លាក់នោះទេ ប៉ុន្តែក្បួនទាំង 5 ដែលពួកខ្ញុំបានលើកឡើងខាងក្រោមនេះ ពិតជាមានអ្នកប្រើច្រើន និង មានភាពល្អសំរាប់ការថតរូប។
Rule of third
Rule of third គឺជាក្បួនដែលអ្នកថតរូបគ្រប់គ្នាចូលចិត្តប្រើ ជាពិសេស អ្នកដែលថតរូបម៉ូដែល ព្រោះវាជាក្បួនមួយដែលធ្វើអោយ ប្រធានបទ ឬ ម៉ូដែល របស់អ្នកលេចធ្លោ។ Rule of third គឺជាក្បួនដែលចែករូបថតជា 3 ទាំងបណ្តោយទាំងទទឹង ( នឹងមានរូបដាក់អោយនៅខាងក្រោម )។ អ្វីដែលអ្នកត្រូវធ្វើគឺ អ្នកត្រូវដាក់ ប្រធានបទ ( Subject ) នៅកន្លែងដែល ខ្សែទាំងនោះកាត់គ្នា។ វាជាក្បួនមួយដែលស្រួល ហើយអាចអោយឃើញច្បាស់នូវភាពខុសគ្នារវាង ការថតធម្មតា ជាមួយនិងការថតយកតាមក្បួន Rule of third។
Leading lines
Leading lines គឺជាក្បួនមួយដែលប្រើបន្ទាត់ សំរាប់ទាក់ទាញភ្នែករបស់អ្នកមើលអោយដើរទៅតាមបន្ទាត់ទាំងនោះដើម្បីទៅរកប្រធានបទ ឬ ពីផ្នែកខាងមុខ ( Foreground ) ទៅ ផ្នែកខាងក្រោយ ( Background )។ ការប្រើ Leading Lines ភាគច្រើន គេដាក់ Aperture >f4 ដើម្បីអោយអ្វីៗមើលទៅច្បាស់ ស្រួលដល់ភ្នែកអ្នកមើលទាញចូល ប្រធានបទ។ ខ្សែបន្ទាត់ទាំងនេះ គេអាចប្រើវត្ថុផ្សេងៗដូចជា ៖ ផ្លូវ, របង, ទន្លេ, ដើមឈើ, ស្មៅខ្ពស់។
Symmetry
Symmetry ជាក្បួនមួយដែលភាគច្រើនគេប្រើក្នុងការថតរូប អាគារ, ផ្ទះ, ក្បាច់ផ្សេងៗ។ គឺជាក្បួនមួយដែលថតចេញជារូបភាពដែលមានលក្ខណៈដូចគ្នា 2 ឆ្លុះគ្នា មិនថាខាងលើ ខាងក្រោម ឬ ខាងឆ្វេងខាងស្តាំ ទោះជាមិនដូចគ្នា ក៏ស្រដៀងគ្នាដែល។ ការថតរូបរបៀបនេះ ធ្វើអោយរូបភាពចេញមកមានរបៀបរៀបរយល្អ។ ការថតរូប symmetry មិនងាយ នឹងថតបានស្អាតទេ អ្នកត្រូវរកកន្លែងដែលមើលទៅស្រដៀងគ្នា ហើយ ត្រូវតែទាក់ទាញភ្នែកទស្សនិកជន។
Framing
Framing ជាក្បួនមួយដែលយកអ្វីមួយ ធ្វើជា ស៊ុមរូប នៃអ្វីមួយផ្សេង ឬ ប្រធានបទ។ អ្នកអាចយកដើមឈើ, ទំរង់ផ្សេងៗដែលអ្នកឃើញ និង នៅជិតៗកន្លែងដែលអ្នកថត។ វាដូចជា Leading lines ដែល វាមានបំណងអោយអ្នកដែលមើលរូបភាពនោះចាប់អារម្មណ៍តែកន្លែងប្រធានបទតែប៉ុណ្ណោះ។ ភាគច្រើន គេយកអ្វីៗដែលនៅខាងមុខជាស៊ុម របស់ប្រធានបទ។
Background
ពេលខ្លះអ្នកបានថតរូបហើយ ប៉ុន្តែរូបថតដែលចេញមក មិនសូវស្អាត និងមិនសូវចាប់អារម្មណ៍ ដោយសារប្រធានបទ ឬ ម៉ូដែលមានពណ៍ ស្រដៀងនឹងផ្នែកខាងក្រោយ ( Background )។ ដូចនេះការរកផ្នែកខាងក្រោយអោយសមស្របគឺត្រូវតែ ធ្វើមេ៉ចអោយ Subject និង Background ដាច់ពីគ្នា។ អ្នកអាចប្រើរក Background ដែលមានពណ៌ខុសពី Subject ឬ ធ្វើអោយ Background ព្រិល។
Cr. khmerlife.style