នៅសម័យថ្មីនេះនរណាៗក៏មានAccount Facebookដែរ មិនថាក្មេងទើបតែនឹងកើត ឬក៏មនុស្សចាស់ក្ដីសុទ្ធតែប្រើប្រាស់Facebook ប៉ុន្តែអ្នកទាំងអស់គ្នាប្រហែលជាមិនដឹងពីរឿងខ្លះទាក់ទងទៅនឹងFacebook។ ខាងក្រោមនេះជាការពិតគួរអោយខ្លាចទាំង៧ពី Facebook៖
១. មុខងារចំណាំផ្ទៃមុខ
នៅពេលនរណាម្នាក់ tag រូបភាពដែលមានរូបអ្នក Facebookនិងរក្សារូបភាពនោះទុក។ ជាមួយនឹងបច្ចេកវិទ្យាAIថ្មីFacebook អាចចំណាំផ្ទៃមុខរបស់អ្នកបាន នៅពេលដែលមិត្តរបស់អ្នកបង្ហោះរូបដែលមានមុខអ្នកលើកក្រោយ វានឹងលោតTagមកឯង។ បច្ចេកវិទ្យាមួយនេះមានប្រសិទ្ធភាពអាចចំណាំផ្ទៃមុខបាន ៩៨%។ អ្វីដែលគួរអោយបារម្ភនោះថាតើFacebookអាចនឹងលក់ទិន្នន័យផ្ទៃមុខរបស់អ្នកអោយទៅអ្នកផ្សេង។
២. Facebookដឹងពីទីកន្លែងរបស់អ្នក
កាលពីមុនបើអ្នកប្រើប្រាស់កម្មវិធីMessengerរបស់Facebook នៅពេលដែលអ្នកអនឡាញមិត្តភក្តិរបស់អ្នកនឹងដឹងពីទីតាំងរបស់អ្នកដែលអាចធ្វើអោយជនខិលខូចខ្លះអាចប្រើប្រាស់មុខងារនេះក្នុងផ្លូវអាក្រក់។ ប៉ុន្តែសំណាងល្អFacebookបានបិទមុខងារនេះទៅវិញ ដោយជំនួសទៅវិញដោយការកំណត់អោយអ្នកចែករំលែកទីតាំង។ ចំណែកនៅលើកម្មវិធីFacebookនៅលើទូរស័ព្ទវិញមានមុខងារ Nearby Friends ដែលអនុញ្ញាតអោយអ្នកប្រើប្រាស់ដឹងពីចម្ងាយរវាងមិត្តភក្ដិអ្នក និង អ្នកប៉ុន្តែពុំបានប្រាប់ថានៅទីណាអោយច្បាស់លាស់នោះទេ។ ទោះបីជាយ៉ាងណាក៏ដោយ នេះពុំមានន័យថាFacebookមិនដឹងពីទីតាំងរបស់យើង ឬ ក៏ឈប់ប្រមូលទិន្នន័យផ្ទាល់ខ្លួនរបស់យើងនោះទេ។
៣. ប្រើFacebookក្នុងរយៈពេលយូរធ្វើអោយអ្នកមានអារម្មណ៏មិនល្អ
នៅពេលអ្នកប្រើប្រាស់Facebookកាន់តែច្រើន អ្នកនឹងកាន់តែមានអារម្មណ៏មិនល្អ។ ការប្រើប្រាស់វាមានផលប៉ះពាល់ដូចជា កាត់បន្ថយការជួបមុខគ្នាផ្ទាល់ មិនទម្លាប់ចេញក្រៅ បញ្ហាផ្លូវចិត្តជាដើម។ នៅលើFacebookអ្នកខ្លះខំប្រិតប្រៀបដើម្បីបង្ហោះបង្ហាញអ្នកដទៃពីជីវិតរបស់ពួកគេ និង ព្យាយាមបិតបាំងនូវចំណុចអវិជ្ជមានរបស់ខ្លួន ដែលធ្វើអោយអ្នកខ្លះទៀតមានអារម្មណ៍មិនល្អនៅពេលដែលពួកគេប្រៀបធៀបជីវិតរបស់ពួកគេ ទៅនឹងអ្នកដទៃ។
៤. ពត៌មានមិនពិត
នេះជារឿងធំដែលកំពុងកើតឡើងមិនត្រឹមតែក្នុងសង្គមខ្មែរយើងប៉ុណ្ណោះទេ ប៉ុន្តែទូទាំងពិភពលោក។ នៅពេលខ្លះអ្នកប្រើប្រាស់បណ្ដាញសង្គមមួយនេះជឿទៅលើពត៌មានមិនពិត ហើយចែករំលែកតៗគ្នាបង្កើតអោយមានការយល់ខុសផ្សេងៗនិង បញ្ហានៅក្នុងសង្គម។ សូម្បីតែCEO របស់ក្រុមហ៊ុនយក្សមួយនេះលោកMark Zuckerbergក៍ទទួលស្គាល់ថាមានពត៌មានមិនពិតច្រើននៅលើFacebookដោយថ្មីៗនេះលោកបានសហការជាមួយនឹងក្រុមហ៊ុនGoogleដើម្បីកាត់បន្ថយ និង លុបបំបាត់ពត៌មានមិនពិតទាំងនោះ។
៥. បញ្ហាក្នុងការទទួលទានអារហារ
ការសិក្សារមួយដែលធ្វើឡើងដោយសាកលវិទ្យាល័យមួយនៅសហរដ្ឋអាមេរិកទៅលើមនុស្សស្រីចំនួន៨៤នាក់បានបង្ហាញថា អ្នកដែលប្រើFacebookញឹកញាប់ ភាគច្រើនមានបញ្ហាទាក់ទងទៅនឹងការទទួលទានអារហារ ដោយសារតែឃើញរូបរាងរបស់ស្ត្រីដទៃដែលបង្ហោះនៅលើFacebook ធ្វើអោយខ្លួនឯងមានអារម្មណ៏មិនពេញចិត្តនឹងរាងកាយរបស់ខ្លួន ជាហេតុធ្វើអោយប៉ះពាល់ដល់របបអារហារ និង ការញាំរបស់ពួកគេ។
៦. Facebookធ្វើអោយមនុស្សដែលកំពុងតែឯការអោយមានអារម្មណ៍កាន់តែឯការ
ការបង្ហោះរូបភាព វីឌីអូ ឬ ស្តេតធឺសផ្សេងៗនៅលើFacebookអាចអោយអ្នកដឹងពីសកម្មភាពមិត្តភក្ដិរបស់អ្នកថាពួកគេកំពុងធ្វើអ្វី។ នៅពេលខ្លះការបង្ហោះបង្ហើររបស់មិត្តភក្តិរបស់អ្នកអាចធ្វើអោយអ្នកមានអារម្មណ៏ថាឯការ ឬ គេមិនរាប់រក នៅពេលដែលឃើញគេជួបជុំគ្នា ឬ ជប់លៀងដោយមិនមានវត្តមានរបស់អ្នកជាដើម។
៧. Facebook ដឹងពីអ្នកច្រើនជាងអ្វីដែលអ្នកគិត
News FeedដែលលោតមកលើFacebookត្រូវបានបង្កើតឡើងដោយធ្វើយ៉ាងណាអោយអ្នកប្រើប្រាស់ជក់ចិត្ត មិនងាយដកចិត្តចេញពីFacebook។ Facebookបានប្រមូលទិន្នន័យផ្សេងៗនៅពេលដែល យើងLike Share ឬComment Facebookនឹងកត់សម្គាល់ទុកថាយើងចូលចិត្តអ្វីខ្លះ ដើម្បីអោយពត៌មានឬPostផ្សេងៗដែលលោតមកយើងចូលចិត្ត។ ម្យ៉ាងវិញទៀតFacebookធ្វើនេះដើម្បីងាយស្រួលសម្រាប់អ្នកផ្សព្វផ្សាយពាណិជ្ជកម្ម ងាយស្រួលក្នុងការស្វែងរកអតិថិជនគោលដៅរបស់ពួកគេ។
នេះគ្រាន់តែជាចំណុចខ្លះៗប៉ុណ្ណោះដោយនៅមានច្រើនទៀត ដោយមិនរាប់បញ្ចូលពីការខ្ជះខ្ជាយពេលវេលា ការឆបោកផ្សេងៗទៀតជាដើម។
ប្រភព៖ LISTVERSE