ជាធម្មតាដើម្បីបើក file PSD (photoshop) ដើម្បី edit រូបភាពយើងត្រូវដំឡើងកម្មវិធី Photoshop នៅក្នុងកុំព្យូទ័រជាមុនសិន។ ចៃដន្យអី ថ្ងៃនេះខ្ញុំស្រាប់តែត្រូវការ edit រូបភាពដែលជា file PSD តែកុំព្យូទ័រខ្ញុំមិនមានកម្មវិធី Photoshop នោះទេ។
ចឹងហើយខ្ញុំក៏ចូល Google រួច search ពាក្យថា “photoshop online” ហើយក៏ទទួលបាន website មួយឈ្មោះថា https://www.photopea.com
Photopea គឺជាគេហទំព័រមួយដែលអនុញ្ញាតអោយយើងបើក file ប្រភេទ PSD ហើយ Edit នៅលើ online តែម្ដង់ដោយពុំចាំបាច់ដំឡើងកម្មវិធីអ្វីឡើយ។ ហើយរបៀបប្រើប្រាស់ និង tools សម្រាប់ edit រូបភាពគឺដូចសឹងតែទាំងស្រុងទៅនឹង Photoshop ហើយអ្នកដែលចេះប្រើ Photoshop ស្រាប់គឺដឹងតែចេះប្រើវាតែម្ដង។
ដើម្បីបើកយកឯកសារមក edit យើងគ្រាន់តែចូល File => Open រួចជ្រើសរើស file PSD ដែលមាននៅលើកុំព្យូទ័ររបស់យើង
បន្ទាប់មកយើងនឹងឃើញ Layers និងរូបភាពដែលមាននៅក្នុង psd របស់យើង បន្ទាប់មកយើងអាច edit ថែមថយ color ទៅតាមចំណេះជំនាញ និងការពេញចិត្ត
ក្រោយពី edit ចប់សព្វគ្រប់យើងអាច Save វាជា file PSD សម្រាប់ទុកប្រើពេលក្រោយ ឬក៏ export វាទៅជា file រូបភាព (PNG, JPG, GIF) តាមតម្រូវការ។
សម្រាប់ខ្ញុំគេហទំព័រនេះមានប្រយោជន៍មែនទែន នៅពេលដែលយើងស្រាប់តែត្រូវការកែប្រែ file photoshop ភ្លាមៗហើយយើងមិនបានយកកុំព្យូទ័រដែលមាន photoshop មកជាមួយ។