តើអ្វីជា បវិវត្តកម្មឌីជីថល ឬ Digital Transformation?
មុននឹងស្គាល់ បវិវត្តកម្មឌីជីថល ឬ Digital Transformation យើងមកស្គាល់ពីប្រវត្តិនៃបរិបទមួយសិន។
តាមរយៈ អត្ថបទ Auriga, 2016 ពាក្យ បវិវត្តកម្មឌីជីថល ឬ Digital Transformation ត្រូវបានគេប្រើ នៅចុងឆ្នាំ ១៩៩០ និងដើមឆ្នាំ ២០០០ ដែលមនុស្សចាប់ផ្តើមជជែកគ្នាពី រឿងការបង្កើតផលិតផល និងសេវាកម្មឌីជីថល។ ហើយ ចាប់តាំងពី ២០០០ មក គេឃើញថា មានឧបករណ៍វៃឆ្លាត និង បណ្តាញសង្គមនានាចាប់ផ្តើម ផ្លាស់ប្តូរពីរបៀបទំនាក់ទំនងរបស់មនុស្ស ហើយចាប់ពីពេលនោះដែរ សហគ្រិនចាប់ផ្តើមឃើញពីឳកាសរបស់ខ្លួនក្នុងការចាប់ផ្តើមអាជីវកម្ម ធុរកិច្ចថ្មីៗជាច្រើន។
តើអ្វីជាបវិវត្តកម្មឌីជីថល ឬ Digital Transformation?
បវិវត្តកម្មឌីជីថល ឬ Digital Transformation ជាការចាប់យក បច្ចេកវិទ្យា ព័ត៌មាន និង សារគមនាគមន៍ និង បច្ចេកវិទ្យាឌីជីថល ដើម្បីបង្កើនប្រសិទ្ធភាពការងារអោយកាន់តែប្រសើរ និង ធ្វើអោយសេដ្ឋកិច្ចមានការកើនឡើង។
បើយោងតាម Sales Force . com បវិវត្តកម្មឌីជីថល ឬ Digital Transformation ជាដំណើរការនៃការប្រើប្រាស់ បច្ចេកវិទ្យាឌីជីថល ក្នុងការបង្កើតរបស់ដែលថ្មី ឬ កែប្រែរបស់ដែលមានស្រាប់ក្នុងដំណើរការអាជីវកម្ម និង បទពិសោធន៍ដែលអតិថិជនធ្លាប់ជួបកន្លងមក ដើម្បីបំពេញការផ្លាស់ប្តូររបស់អាជីវកម្ម និង តម្រូវការទីផ្សារនោះ។
អ្វីដែលលោកអ្នកអាចពិចារណាជាមួយគ្នាបាន គឺថា តើលោកអ្នកបានធ្វើ បវិវត្តកម្មឌីជីថល ឬ Digital Transformation ក្នុងអាជីវកម្មរបស់អ្នកហើយ ឬនៅ?
បើលោកអ្នកពិបាករកចម្លើយនេះ លោកអ្នកអាចព្យាយាមគិតពី លទ្ធិភាពដែលអាជីវកម្មអ្នកអាចប្រើ បច្ចេកវិទ្យាឌីជីថល អ្វីខ្លះ?
ឧទា៖ កាលពីមុន SHE Investments ផ្តល់ជាវគ្គបណ្តុះបណ្តាលដល់សហគ្រិនស្ត្រីនៅការិយាល័យផ្ទាល់ តែបច្ចុប្បន្ន SHE Investments មាន វេបសាយរៀនតាមអនឡាញ ដែល សហគ្រិនស្ត្រីអាចរៀនបានដោយខ្លួនឯងពីចម្ងាយមកតាមរយៈទូរសព្ទដៃ ហើយអាចចាប់ផ្តើមរៀនពីមេរៀនណាដែលខ្លួនចាប់អារម្មណ៍បានដោយសេរី។