ការណែនាំអំពីអក្ខរកម្មឌីជីថល (Digital Literacy) គឺជាការសិក្សាអំពីសមត្ថភាព និងចំណេះដឹងដែលចាំបាច់សម្រាប់អ្នកក្នុងសង្គមឌីជីថលបច្ចុប្បន្ន។ វាមានសារៈសំខាន់ខ្លាំងក្នុងការអនុវត្តន៍ជីវិតប្រចាំថ្ងៃ ការងារ និងការសិក្សារៀនសូត្រ។ ការបង្រៀននិងការរៀនអំពីអក្ខរកម្មឌីជីថលរួមមាន៖
១. ការយល់ដឹងអំពីបច្ចេកវិទ្យា
ការយល់ដឹងអំពីបច្ចេកវិទ្យា (Technological) គឺជាសមត្ថភាពនិងការយល់ដឹងដែលអ្នកត្រូវការដើម្បីស្វែងយល់ វិភាគ និងប្រើប្រាស់បច្ចេកវិទ្យា និងគ្រប់គ្រងឧបករណ៍ឌីជីថលដូចជាកុំព្យូទ័រ ទូរស័ព្ទដៃ និងថេបប្លេត ក្នុងសង្គមឌីជីថលបច្ចុប្បន្ន។ នេះរួមមានការយល់ដឹងអំពីឧបករណ៍ឌីជីថល ផ្នែកទន់នៃបច្ចេកវិទ្យា (software) និងវិធីសាស្រ្តក្នុងការគិតគូរ និងដោះស្រាយបញ្ហាដោយប្រើបច្ចេកវិទ្យា។
តើចំណេះដឹងអ្វីខ្លះ? ដែលអ្នកត្រូវការពីបច្ចេកវិទ្យា?
- យល់ដឹងពីឧបករណ៍និងប្រព័ន្ធ: ការស្គាល់និងការប្រើប្រាស់ឧបករណ៍ឌីជីថលនានា ដូចជាកុំព្យូទ័រ ទូរស័ព្ទដៃ និងថេបប្លេត។
- ចំណេះដឹងអំពីផ្នែកទន់: ការយល់ដឹងពីកម្មវិធីសំខាន់ៗ និងការប្រើប្រាស់ពួកវាក្នុងការងារនិងជីវិតប្រចាំថ្ងៃ។
- ការប្រើប្រាស់អ៊ីនធឺណេត: ការរុករក ការវាយតម្លៃ និងការប្រើប្រាស់ព័ត៌មានលើអ៊ីនធឺណេតដោយមានប្រសិទ្ធភាពនិងសុវត្ថិភាព។
- សុវត្ថិភាពអ៊ីនធឺណេត: យល់ដឹងពីគោលការណ៍និងវិធានការដើម្បីការពារខ្លួនពីហានិភ័យឌីជីថលដូចជាមេរោគ និងការវាយលុកប្រព័ន្ធ។
- ការស្រាវជ្រាវឌីជីថល: ការស្វែងរកនិងប្រមូលព័ត៌មានដោយប្រើប្រាស់ឧបករណ៍ឌីជីថលនិងវិធីសាស្រ្តឌីជីថល។
- ប្រសិទ្ធភាពនៃការបញ្ជូនព័ត៌មាន: ការប្រើប្រាស់បច្ចេកវិទ្យាដើម្បីផ្ញើរ និងទទួលព័ត៌មានក្នុងរបៀបដែលមានប្រសិទ្ធភាព និងរលូន។
- គោលការណ៍អប់រំឌីជីថល: ការយល់ដឹងអំពីសិទ្ធិនិងការលើកកម្ពស់ការប្រើប្រាស់បច្ចេកវិទ្យាដោយមានការគិតគូរលើការប៉ះពាល់ដល់សង្គម។
ការមានអក្ខរកម្មឌីជីថលល្អគឺជាគន្លឹះសំខាន់ក្នុងការរស់នៅ និងបំពេញការងារនៅក្នុងសង្គមឌីជីថលដែលយើងរស់នៅថ្ងៃនេះ។ វាតម្រូវឱ្យមានការអភិវឌ្ឍន៍ជំនាញខាងបច្ចេកវិទ្យានិងការស្រាវជ្រាវជាបន្តបន្ទាប់ដើម្បីធ្វើឱ្យអ្នកមានសមត្ថភាពដើរតួនាទីក្នុងពិភពឌីជីថលបានយ៉ាងល្អ។
