រំលឹកទ្រឹស្តី និយមន័យនិងសារៈសំខាន់នៃម៉ាឃីធីង

រំលឹកទ្រឹស្តី

មុនដំបូងមុនពេលយើងធ្វើការបង្កើតនូវអាជីវកម្មយើងត្រូវយល់ដឹងនូវនិយមន័យម៉ាឃីតធីងនិងសារៈសំខាន់នៃម៉ាឃីតធីងជាមុនសិន។

សារៈសំខាន់នៃម៉ាឃីតធីង

គឺមានសារៈសំខាន់ណាស់សំរាប់អង្គភាពអាជីវកម្ម ក្នុងការផ្នែកផ្សព្វផ្សាយពាណិជ្ជកម្ម ការផលិត ការចែកចាយ ស្រាវជ្រាវទីផ្សារ ផ្នែកគ្រប់គ្រងផលិតផល និងការគ្រប់គ្រងការលក់។

និយមន័យម៉ាឃីធីង

ម៉ាឃីធីងគឺ សំដៅទៅលើការធ្វើផែនការនិងការអនុវត្តយុទ្ធសាស្រ្តនៃការដាក់ថ្លៃការផ្សព្វផ្សាយនិងការចែកចាយទំនិញ សេវាកម្ម និង គំនិតដើម្បីបង្កើតអោយមានការដោះដូរដែលអាចបំពេញគោលបំណងរបស់អតិថិជននិងក្រុមហ៊ុន។

ម៉ាឃីតធីងចែកជាពីគឺ

ម៉ាក្រូម៉ាឃីតធីងគឺ ជាដំណើរការនៅក្នុងសង្គមដែលកំណត់ទិសដៅនៃចរន្តសេដ្ឋកិច្ចមួយក្នុងការនំាយកទំនិញនិង សេវាកម្មពីអ្នកផលិតទៅកាន់អ្នកប្រើប្រាស់ដើម្បីឲតម្រូវការនិងការផ្គត់ផ្គងអាចបំពេញគ្នាប្រកបដោយប្រសិទ្ធភាពខ្ពស់និងសម្រេចបានគោលដៅនៃសង្គមជាតិទាំងមូល។

ម៉ាយក្រូម៉ាឃីតធីងគឺ ជាសកម្មភាពទំាងឡាយដើម្បីសម្រេចបាននូវគោលដៅនៃអង្គភាពអាជីវកម្មគឺស្វែងរកអតិថិជនដែលមានតម្រូវការនិងនំាយកទំនិញនិងសេវាកម្មពីអ្នកផលិតទៅបំពេញតំរូវការទំាងនោះ។

មុខងារម៉ាឃីតធីង

មុខងារដោះដូរ៖ មានការលក់ និង ការទិញ ដែលជាមូលដ្ឋានគ្រឹះនៃម៉ាឃីតធីង។
ការលក់គឺ អ្នកម៉ាឃីធីងមិនត្រឹមតែដឹងថា ទំនិញអ្វីត្រូវលក់ប៉ុន្មាននោះទេគឺត្រូវតែផ្សព្វផ្សាយឲអ្នកទិញបានដឹងអំពីទីកន្លែងដែលត្រូវទិញទំនិញទំាងនោះ និង បា្រប់ពីតម្លៃផងដែរ។

ការទិញ គឺដើម្បីមានទំនិញលក់ ជាជំហានដំបូងក្រុមហ៊ុនត្រូវមានវត្ថុធាតុដើមនិង ឧបករណ៍ផ្សេងៗ និងសេវានៃបុគ្គលិកដែលលក់ផលិតផល។
មុខងារចែកចាយមានដូចជា៖

ការដឹកជញ្ជូន គឺទាក់ទងទៅនិងការបង្កើតឲមានប្រយោជន៍នៃទីកន្លែង ដើម្បីឲតម្លៃទំនិញត្រូវតែបានដឹកជញ្ជូនពីកន្លែងផលិតទៅកន្លែងដែលគេត្រូវប្រើវា។

ការស្តុបទំនិញគឺ បង្កើតឲមានប្រយោជន៍នៃពេលវេលាអាជីវកម្មមានពេលខ្លះត្រូវស្តុបទំនិញច្រើនគួរសម ដើម្បីបំពេញតំរូវការ បានទាន់ពេលវេលាជៀសវាងការរងចំា។
មុខងារសម្របសម្រួល៖

ការផ្តល់ហិរញវត្ថុគឺ អាជីវករឬ ក្រុមហ៊ុនត្រូវត្រៀមប្រភពហិរញវត្ថុសំរាប់ ផលិត ការដឹកជញ្ជូន ស្តុក ការផ្សព្វផ្សាយ សេវាលក់ទំនិញ ទិញទំនិញ។

ការផ្តល់ឥណទាន គឺ ផលិតករភាគច្រើនផ្តល់ឥណទាន ដល់អ្នកលក់ដុំ ហើយអ្នកលក់ផ្តល់ឥណទានបន្តដល់អ្នកលក់ទៀត ហើយអ្នកលក់រាយក៏បណ្តាក់បន្តឲអ្នកប្រើប្រាស់់។

មុខងារប្រមូលពត៏មានអំពីទីផ្សារ៖ គឺការរកឃើញ និងការវិភាគឪកាសទីផ្សារ ការប្រមូលដំណឹងពីគូប្រកូតប្រជែង ហើយផ្តល់ដំណឹងឲទៅអ្នកធ្វើសេចក្តីសម្រេចចិត្ត។