ការកែទម្រង់ទិន្នន័យនិងទម្រង់ Cells
យើងប្រើប្រាស់ Format cells សម្រាប់កែប្រែទម្រង់របស់ទិន្នន័យនៅក្នុង cells ដែលបាន select ពីព្រោះជាទូទៅក្នុងការវាយបញ្ចូលទិន្នន័យទៅក្នុង Cell ភាគច្រើនគេមិនដែលវាយបញ្ចូលទៅតាម រូបរាងរបស់ទិន្នន័យដែលយើងបានឃើញផ្ទាល់នៅលើ Report ដូចជាៈ ក្រដាស ឬរបាយការណ៍ ផ្សេងៗ នោះទេ។
ឧ. លេខរៀងៈ (001,002…), ចំនួនៈ15កេស, ឬទម្រង់ថ្ងៃខែៈ 12/Jan/2011 ជាដើមដែលទាំងនេះ គឺសុទ្ធតែបានមកពីការកែប្រែទម្រង់ទិន្នន័យនៅក្នុង Cell ទាំងអស់។ ដើម្បីចូលទៅកាន់ Format cells យើងអាចចូលបានតាមបីរបៀបគឺៈ
ទី១:
– ចុចលើ Home Ribbon
– ចុចលើ Format
- ជ្រើសរើសយក Format Cells…
ទី២:
– ចុចលើ Home Ribbon
– ហើយជ្រើសយកត្រង់ចំនុចរបស់ Font, Alignment and Number
ទី៣:
ប្រើតាម key ដោយចុចលើ (Ctrl + 1) នោះអ្នកនឹងឃើញផ្ទាំងរបស់ Format Cells…បង្ហាញដូចរូបខាងក្រោម ដែលនៅក្នុងនោះមានការងារជាច្រើនដូចជាៈ Number, Alignment, Font, Border, Fill, Protection។