(ភ្នំពេញ)៖ អគ្គិភ័យមួយបានបង្កឲ្យមានការភ្ញាក់ផ្អើល ដល់ប្រជាពលរដ្ឋ និងសមត្ថកិច្ច នៅព្រឹកថ្ងៃទី២២ ខែមេសា ឆ្នាំ២០១៧នេះ ដោយសារតែឆេះក្នុងព្រះវិហារ នៃវត្តសន្សំកុសល ស្ថិតក្នុងសង្កាត់បឹងទំពុន ខណ្ឌមានជ័យ តែសំណាងល្អមិនមានគ្រោះថ្នាក់ធ្ងន់ធ្ងរនោះទេ ព្រោះតែសមត្ថកិច្ចជួនអន្ដរាគមន៍ទាន់ពេល។ លោក ព្រហ្ម យ៉ត នាយការិយាល័យបង្ការ និងពន្លត់ អគ្គិភ័យ បានប្រាប់ភ្នាក់ងារ Fresh Newsថា អគ្គិភ័យនេះកើតឡើងដោយសារតែ រំលំទៀនមកលើកំរាលព្រំ ក៏បង្កឲ្យកើតមានគ្រោះអគ្គិភ័យនេះតែម្ដង។ តែទោះជាយ៉ាងណា ភ្លើងដែលឆេះនេះ បានរលត់ទៅវិញដោយសារតែ មានការជួយអន្ដរាគមន៍ពីសមត្ថកិច្ចអគ្គិភ័យទាន់ពេល ហើយបានប្រើប្រាស់ឡានទឹកអស់ចំនួន៣គ្រឿង…
News